TVB嘅《3日2夜》可以講系盛產女神嘅旅遊節目，而經常擔任節目主持嘅張曦雯，呢排頻頻出埠，原來系趁住工作空擋到美國洛杉磯報讀演藝課程，呢次佢將喺美國逗留一個月嘅時間，報讀兩間學校嘅佢，將會爭取時間密密上堂，希望可以提升演技。
今日張曦雯就喺社交平台曬咗幾張爬山嘅相，只見相中嘅佢以bra top爬山，應該趁住課後輕鬆一下，吸收大自然嘅氣息，繼續保持充沛嘅精神。
事後，張曦雯就回復傳媒話：「而家喺LA讀演藝課程，去咗兩間學校，同幾個老師學做戲，每個禮拜上6、7堂，好多功課，要睇好多書同劇本，又要同其他學生一齊彩排，每次都要演出一場戲。
呢度嘅學生生活好充實，加埋我LA冇乜朋友，課余只系喺屋企煮飯食，放假就去行下山，過下學校生活，希望呢次可以學到深層做戲技巧，以后揣摩角色做到更加好。」
而今晚張曦雯有份參演嘅新劇《白色強人》就正式播出，呢部劇主要圍繞醫生題材，今次佢喺新劇中將飾演駐院醫生，張曦雯都表示自己鐘意呢個角色，希望到時候播出後可以獲得觀眾嘅大力支持。
1990年出世嘅張曦雯同大多數藝人一樣，喺伊利諾伊大學芝加哥分校企業管理系畢業嘅佢，曾經參選過《芝加哥華商會親善小姐》，兼夾贏得咗冠軍同最上鏡小姐，次年佢再戰《2012年國際中華小姐》，再度奪冠嘅佢備受賞識，喺選美結束之後就進入到TVB，發展其演藝事業。
期間，佢曾經參與拍攝過唔少嘅電視劇集，比如《律政強人》、《7日羅曼史》、《跳躍生命線》、《救妻同學會》等，據悉，喺跟住落嚟嘅新劇《金宵大廈》、《解決師》中張曦雯同樣有份演出。
唔理點樣，期待張曦雯喺《白色強人》中嘅精彩演出，唔知到時佢又會畀我哋帶嚟點樣精彩噶演出呢？期待期待！
Like MisshkNews Facebook！不出门也能知天下事～
