前香港先生入行8年都係配角不灰心,希望挑戰智障角色

前「香港先生」黃建東受訪時認為自己好眼淺,因為平時睇戲,睇到片中有智障角色時會流眼淚,佢話自己好希望嘗試下演呢類角色,因為有好多人唔了解佢哋,其實佢哋嘅內心世界好純真、真摯。

黃建東希望透過電影或者電視劇讓更多人了解佢哋,希望用自己藝人嘅力量回饋社會,想改變大家對佢哋嘅認知。

現年38歲嘅黃建東喺2011年參加香港先生選舉,獲得「演藝潛能大獎」入行。

黃建東之後喺《食為奴》飾演“九阿哥”一角戲份頗重而為人熟悉。

2016年因為二次創作日本洗腦歌《PPAP》廣東話粗口諧音版而人氣急升,歌詞更加成為一時佳話。

黃建東加入TVB咁多年,出演過多部劇集,有《師奶MADAM》、《四個女仔三個BAR》、《天眼》、《鬼同你OT》、《拆局專家》、《樓奴》、《收規華》、《十二傳說》等,但佢都係以配角為主,戲份唔系太多。

除咗拍戲之外,黃建東仲係TVB娛樂新聞臺嘅固定主持人,佢自認好樂觀,因為佢可以保持較多嘅曝光度,可以幫助自己多接商演活動。

唔理點樣,都係希望黃建東喺之後嘅事業上可以有所成就,期待佢嘅表演!

發表回覆

你的電郵地址並不會被公開。