前香港先生升呢做豪門駙馬,未婚已聯名購入千萬豪宅

TVB係香港最大嘅造星平臺,每年一度嘅香港小姐選舉都係全城熱事,唔單止係為TVB充實藝人隊伍,都係為豪門挑新袍嘅途徑之一。

喺唔少港姐入面,好多已經成功嫁入豪門,升呢成為闊太太,不過都有自己本身就係豪門,卻選擇鐘意平凡男人。

前港姐張寶兒講得上係內外兼備嘅千金小姐,曾經修讀工商管理嘅佢,雖然有個富爸爸張煌煌,但佢大學畢業之後選擇喺盛世廣告數碼做項目經理,同喺李錦記健康產品集團做產品發展經理。

選完港姐之後,張寶兒得閑嗰陣會幫老竇打理生意,身為長女嘅張寶兒或者會係內衣生意繼承人,佢老竇投資有道,除咗喺跑馬地持有三個物業之外,前年更一口氣掃入清水灣傲瀧四個單位,物業市值更超過3億元。

咁優秀嘅張寶兒,竟然睇啱咗比自己大10年、學歷低、出身普通屋邨嘅前香港先生袁偉豪。據悉,佢哋喺三年前非洲拍攝《打工捱世界II》而相識相戀。

據悉,當年袁偉豪同舊愛岑杏賢分手半年,更畀傳媒指出袁偉豪一走紅就拋棄陪佢捱窮捱苦嘅女友,之後更火速搭上張寶兒。

日前,袁偉豪同張寶兒關係終於升華,未婚已經聯名買7000萬豪宅,做定豪門駙馬。其實呢個地段其實深受明星歡迎,周柏豪夫婦、黃智雯同男友、王浩信等人都係住客,的確星味十足,凸顯身價。

不得不說,袁偉豪眼光真係好好,為咗盡快娶張寶兒過門,佢已經公開表示要喺40歲前結婚,即今年年尾。

Like MisshkNews Facebook!不出门也能知天下事~

發表回覆

你的電郵地址並不會被公開。