前香港先生畀富婆包養,而家見人就驚……

「TVB小生」黃祥興嘅細佬黃長發,佢喺2009年因為教法文搭上年長16歲、育有五歲囡囡嘅「鞋王」鄧劍群三奶李姿霆,當時佢哋無懼世俗眼光,愛得高調又火熱。

之后黃長發更不惜為愛情而退出娛樂圈,可惜最后戀情喺半年之后火速玩完兼反面收科。

身為黃長發大佬嘅黃祥興,佢提到細佬當年嘅「姊弟戀」一度感觸流淚,佢話:「雖然嗰陣有啲人以為我係黃長發,搞到有啲代言嘅合約,但我冇嬲過我細佬反而戥佢心痛,嗰陣成件事對佢打擊都好大,到而家佢仲好驚啲人嘅眼神。」

不過黃祥興都覺得喺單嘢上,細佬有唔啱嘅地方:「嗰陣我有話過佢,當時我唔知咁多乜三奶、二奶,只係知道李姿霆大過細佬,又有小朋友。」

黃祥興亦為當年叫細佬嚟香港發展參選香港先生而覺得后悔:「其實細佬本身唔想嚟香港,因為我選香港先生屋企人嚟曬香港,有少少迫佢翻嚟,點知翻嚟香港之后佢就識到呢條女,佢覺得對方對佢好,好錫佢。」

黃祥興仲話:「但我相信條女係有少少利用咗細佬,想去實現某啲目的,但細佬又好天真,以為真係愛情,嗰陣有好多報道佢都唔知點解出咗鏡,好明顯有熟人穩記者,細佬嗰時唔識呢啲。

Like MisshkNews Facebook!不出门也能知天下事~

發佈回覆

你的電郵地址並不會被公開。