前TVB花旦愛犬離世心痛留言:冇選擇地只能夠接受

前TVB花旦宣萱不嬲鐘意狗狗,家中收養咗幾隻愛犬,而且專門領養中年犬,讓佢哋有一個安樂窩。宣萱今朝喺社交平臺留言,透露其中一隻愛犬Moon不幸逝世,令佢好心痛。

宣萱留言∶“我親愛的Moon尋晚突然間離開咗我哋,心好痛,冇選擇地只能夠接受,Moon永遠會留喺我身旁,相信永遠都會,Love you&miss you always。”

宣萱喺娛樂圈中一向都係愛狗之人,咁多年嚟宣萱曾經領養過十幾隻狗狗,仲成日帶佢哋出席活動,雖然提過多次經歷愛犬生離死別,但佢依然無悔繼續領養。

而粉絲知道愛犬Moon逝世,都留言慰問宣萱,寫道:”多謝愛笑嘅Moon為你帶嚟嘅快樂與感動,親愛的Moon會喺彩虹橋一直守護著你,用眼淚告別,用前行紀念吧!”

發表回覆

你的電郵地址並不會被公開。 必要欄位標記為 *