古巨基「恨B恨到發燒」,50歲老婆順利生產

恭喜,恨B恨到發燒嘅古巨基終於升呢做老竇。喺2014年古巨基同大佢3歲經紀Lorraine結婚,據悉古巨基太太Lorraine舊年底秘密喺美國生B,其實老婆懷孕到成功「卸貨」,足足等咗6年時間。

而家BB已經三個月大,由于最近受新型冠狀病毒肺炎疫情嘅影響,所以古巨基同太太一直留守喺屋企照顧啱啱出世嘅BB,以避免到人多嘅地方聚會。

據悉,古巨基對于太太生仔呢件事一直都低調處理,目前除咗自己雙方嘅父母同親朋好友知道呢個消息之外,古巨基并冇將呢個消息透露畀圈中嘅好友。

其實喺舊年12月頭,古巨基完成咗喺美國拉斯維加斯嘅世界巡回演唱會之后,就向公司請咗大假,行蹤一直都好神秘,兼夾冇公開現身出席任何活動。

古巨基同太太Lorraine於2014年當時喺美國拉斯維加斯注冊結婚,雖然太太Lorraine嘅年紀比古巨基仲要大三歲,但夫妻兩人結婚之后對于細路嘅渴望一直都冇停止過。

古巨基多次接受傳媒採訪時,畀記者問到幾時“造人”成功,古巨基幾乎次次都會笑住答:「恨B恨到發燒!」

而家太太以50歲高齡生落兩個人嘅愛情結晶,對于夫妻兩個人嚟講都來之不易,真係天賜禮物。

講到古巨基,大家應該對佢好熟悉,古巨基無論唱歌定演戲都相當好犀利,早年憑借《情深深雨蒙蒙》成功打入大陸市場,隨后一直喺香港、大陸發展演藝事業,知名度相當高。

入行多年,關於古巨基嘅緋聞基本係零緋聞,唯一關於佢感情八卦就係同佢現任太太Lorraine長達多年嘅愛情長跑。

講到古巨基嘅太太Lorraine,其實佢一直都比較神秘,據悉Lorraine中文名叫陳韻晴,從古巨基出道以嚟就一直以助理嘅身份陪喺古巨基身邊。

正所謂近水樓臺先得月,兩個人成日一齊共事,加埋性格互補,久而久之互相產生情愫,后來也慢慢發展成為咗戀人關係。

早年古巨基一直冇結婚嘅打算,但係有一次Lorraine因為騎單車發生意外,所以喺嗰一刻開始,古巨基先發現佢可能會失去對方,同時讓佢明咗佢對Lorraine愛得有幾深,於是古巨基下定決心將Lorraine娶返屋企!

missHk再次恭喜古巨基成功榮升做老竇,當然佢老婆Lorraine以50歲高齡成功分娩都係相當勇敢,最后希望古巨基嘅寶貝仔仔健康成長,都祝福佢哋一家三口平安幸福!

Like MisshkNews Facebook!不出门也能知天下事~

發佈留言

發佈留言必須填寫的電子郵件地址不會公開。 必填欄位標示為 *