同屆港姐碰面!郭羨妮恨簽到胡杏兒旗下

郭羨妮(Sonija Kwok Sin-nei,1974年7月22日-),香港演員,前香港無線電視(TVB)女藝員。她是中英混血兒,曾當過空中小姐;其後參加選美,成為1999年度香港小姐冠軍及於美國拉斯維加斯舉辦的2000年度國際華裔小姐競選冠軍,歷史性成為1990年代最後一比特香港小姐,及千禧年代首位國際華裔小姐;更是千禧年代首個國際選美比賽的冠軍,及第二比特同時獲得香港小姐和國際華裔小姐冠軍的佳麗。參選時酷似1991年最上鏡小姐樊亦敏,故當時被傳媒稱為“翻版樊亦敏”。

有傳杏兒(右)會自組工作室,郭羨妮聽到後即刻叫杏兒快啲簽佢!

藝人胡杏兒及郭羨妮出席紀念已故天后梅艷芳的電影發布會,曾志偉特地拍片為今日生忌的梅姐講聲生日快樂,現場各人亦有切生日蛋糕向梅姐祝賀。兩女一同受訪,同屆選港姐的她們一碰頭即聚舊,表示多年來雖然有見過面,但大家都忙湊B及工作,又笑言不要再提幾多年前選美,眨下眼已變了人妻及媽咪。

二人為同屆港姐,不過就忙到冇乜時間見面。

望以唔同方式做嘢

提到杏兒約滿蕭定一,她表示:「其實8月中已經約滿,但一直未講,因為時機未成熟,其實唔係報道所講咁嘅關係,一直合作得好愉快,依家工作同生活唔同以前,希望有唔同方式做嘢,嚟緊睇有咩新動向同大家講。」講到有指她自組工作室?郭羨妮即興奮表示:「好犀利呀!你快啲簽我!」杏兒只表示:「總之講得嘅時候會同大家講。」

杏兒約滿蕭定一,佢表示雙方一直合作得好愉快。

同空氣拍戲

講到今次電影,杏兒表示她們沒有交集:「其實本來有一場,但時間就唔到,大家變咗同空氣拍戲。」問到兩人可有見過梅艷芳?她們表示沒有,但梅艷芳是大家的偶像,而杏兒的大家姐很喜歡梅艷芳,所以她對梅艷芳有深厚印象,她表示今次飾演梅艷芳的閨蜜兼歌迷:「都有聽番歌迷講番梅姐嘅往事,覺得佢真係好好嘅偶像,對佢嘅歌迷好真誠。」

杏兒明艷照人~

大讚歌迷有心

郭羨妮表示飾演搵番梅姐遺物的歌迷:「梅姐真係會好好收埋歌迷嘅信同禮物,搬屋都會攞走,而且佢影響到好多人。」兩人大讚歌迷很有心,自資拍這套戲,問她們可有收平些?兩人笑言:「錢唔好講,出心,有得參與已經好開心。」而講到杏兒囝囝1歲生日,郭羨妮即表示未見過杏兒囝囝,但大讚他很可愛,又笑言遲些會帶埋囡囡去探杏兒個仔。另外,講到施政報告產假多四星期,兩人大表贊成:「因為媽咪好辛苦,同埋希望更多公司支持母乳。」

郭羨妮着一字肩連體褲裝現身。
依然咁弗!

本文轉載於東網
本站負責轉載以及潤色本文
如有侵權,請聯繫刪除

Like MisshkNews Facebook!不出门也能知天下事~

發佈回覆

你的電郵地址並不會被公開。