向鐘嘉欣粉絲致歉!33歲小生反串扮女人獲導演激贊:超似鐘嘉欣?

曾經喺TVB劇集《老表,畢業喇!》中飾演富二代史德華爆紅嘅蔡瀚億,雖然已經有一段時間冇喺T無線劇集,不過相信好多觀眾對佢都印象深刻。事關,佢喺劇中將史德華一角演繹得好幽默攪笑,又夾雜唔純正嘅廣州話,非常深入民心!

不過可惜,后來因為蔡瀚億所屬嘅經理人公司,與無線發生咗合約糾紛,導致原本喺TVB能夠有好好發展前程嘅蔡瀚億,慘遭無線封殺,就連自己后尾有份參演嘅另一部無線劇集《荷里活有個大老千》,所有宣傳活動都唔可以參與。

2014年嘅時候,喺舞臺劇發展得唔錯嘅蔡瀚億又獲賞識,首次接拍電影《狂舞派》,喺套戲入面佢飾演柒良,令佢一炮而紅,人氣同知名度都大大提升!憑住該電影,蔡瀚億仲成功入圍第三十三屆香港電影金像獎,勇奪「最佳新演員」殊榮,演技備受認可。

近年,佢系電影《拆彈專家》中,亦有出色表現,令唔少戲迷都印象深刻。佢喺套戲入面飾演黃天諾一角,最后慘被炸死,蔡瀚億嘅演繹令觀眾為之動容,甚至落淚。因此,蔡瀚億又畀戲迷封為「催淚瀚」,呢啲都系對佢演技嘅認可。

蔡瀚億除咗演技得掂、可塑性強之外,其實造型亦十分百變,模仿能力好強,基本上系扮邊個似邊個嗰種!今日,佢喺社交網曬出咗一張造型相,瞬間就惹來咗大群網民同fans圍觀,唔少網友都激贊蔡瀚億模仿天賦好高!

原來,相中嘅佢反串男扮女裝,搽上唇膏化上淡妝,配上一只長發兼胸部微隆,再配上一個憂郁迷人眼神嘅自拍,驟眼睇去,misshk真系以為系女仔,可以以假亂真!

蔡瀚億又留言謂:「話說我當日試造型後,導演大爆發「好似鐘嘉欣呀!」那很好呀!好靚女呀..不好意思,鐘嘉欣及她的粉絲們…不過,She deserves better~」哈哈哈,雖然misshk個人覺得不像鐘嘉欣,但真的好像日本妹,甚至還有線民指他像丹麥妹!

發表回覆

你的電郵地址並不會被公開。 必要欄位標記為 *