呢位TVB花旦首次擔正獲得譚詠麟力贊,或者可以問鼎視后成最大黑馬?

由黃智賢、關禮杰、王君馨主演嘅TVB臺慶劇《是咁的法官閣下》開播以嚟,就獲得唔少贊譽,皆因題材貼近生活,又不時引用真實案例加以改編,既滿足咗觀眾對于劇情沖突嘅追求,亦提升咗成部劇嘅質素。

雖然首周收視得23.3,但系畫面呈現嘅都市感,以及劇情中涉及嘅性歧視以及離婚訴求都剖析得相當到位,令人感同身受!

尤其系男女主角黃智賢、王君馨之間因愛生恨嘅一場法庭戲都特別打動人!

原來兩人結婚唔到一年就因為生活習慣嘅差別而發生矛盾,於是為咗回歸正常嘅生活,黃智賢提出離婚,但系深愛老公嘅王君馨并不能接受,一次次噉挽留對方,加埋這時老豆仲患上咗癌症,更令佢揾到藉口搬回兩人嘅愛巢。

然而黃智賢就認為即使兩人離婚,外父嘅嘢佢都唔會推脫,所以唔同意王君馨嘅擅自行動。然后兩個人就喺街上面起咗爭執,拉拉扯扯之間,王君馨唯有大叫“非禮”嚟喝止黃智賢。

正巧呢一幕畀巡查嘅差佬撞見,於是兩人畀帶回咗差館。秉承律師唔喺現場就可以唔落口供嘅規定,黃智賢與王君馨都冇即刻開口,只不過呢一鬧,兩個人嘅夫妻關系,畀公告天下。

隨后喺共同好友木律師嘅調解下,王君馨都有意息事寧人,放棄控告,話曬佢哋,雖然處于分居狀態,但喺法律上仍然系夫妻關系。但系隨著好友律師喺加拿大歸來,王君馨就突然改變諗法,直指黃智賢非禮之事屬實,要一告到底。

噉樣反套路嘅戲碼一時間令所有人意外不已。

至於王君馨點解要咁強硬嘅選擇控訴,原因都好簡單,自覺喺呢段感情中付出所有嘅佢失去咗愛情,都失去咗至親嘅人,加埋次次想要同黃智賢改善關系嘅時候,對方成日搵藉口拒絕。

既然系噉,喺法庭中或者兩人有一段好好傾計嘅時間。

所以尋晚嘅法庭戲中,王君馨嘅對白可謂直擊人心,比如“我哋之間乜嘢都有,就系冇愛”、“我同你相遇,從來都唔系我主觀意愿可以控制,一切都系天意”等,都令唔少觀眾感同身受。

而王君馨都將愛而不得,又難以割舍呢段感情嘅莫希萊刻畫得好出色,就連譚詠麟都大贊佢做得好,仲一連上載咗好幾張劇照以表示鼓勵!

事后得知消息嘅王君馨坦言好開心都好驚喜,冇諗到校長會有時間睇港劇。

隨后佢亦表示自己都喺追劇中,尋晚一邊食住打甂爐,一邊睇場法庭戲時,都再次融入角色中,更加指著黃智賢鬧佢系壞人!

適逢臺慶頒獎禮前夕,原本就自認為視后黑馬嘅王君馨,可以得到圈內重量級前輩嘅表揚,相信無論系對于獎項而言,定系個人嘅演藝之路都有住唔細嘅助益!

話曬今年下半年都冇特別出色嘅女演員爆出,而陳煒、李佳芯、黃智雯儘管畀列入視后大熱,但系檔期上卻相當蝕底。如果《是咁的法官閣下》可以憑住這勢頭,打破收視困局,到時視后獎座花落王君馨都唔系冇可能嘅!

Like MisshkNews Facebook!不出门也能知天下事~

發佈回覆

你的電郵地址並不會被公開。