唔通只有雷莊?(兒)一個? 不留戀娛樂圈港姐冠軍仲有佢哋!

按照慣例,港姐冠軍一般都會有一年時間要代表香港出戰世界性選美比賽,出席其他宣傳香港嘅活動,之後先有機會拍劇做活動等。雖然大部分嘅港姐冠軍做咗一年後都會選擇繼續同TVB簽約,但亦有人會選擇唔續約,甚至離開娛樂圈,而且更有人喺一年間就被TVB罷免解約。

2017年港姐冠軍 雷莊?(兒)

喺前幾日,2017年港姐冠軍雷莊?(兒)出席「2018香港小姐競選」記者會時,公開宣佈話自己卸任後,決心離開香港,然後返回加拿大生活及尋求工作機會。

之前佢接受訪問時就表示:「香港嘅節奏唔係咁適合自己,其實本身都諗住返嗰邊發展,選嗰晚都講咗一句想去荷里活發展,喺香港玩咗一年,時間過得好快,會好唔捨得化妝、梳頭同工作人員,好鍾意同佢哋傾偈。」

據悉,雷莊?同TVB嘅合約去到12月先正式完約,但就會喺今屆港姐(9月)完結後,離開香港追尋自己嘅演員夢,相信到時TVB唔會留難佢。

2008年港姐冠軍 張舒雅

講到2008年港姐冠軍張舒雅,係史上有名嘅「最Hea港姐」,仲係難得一見被罷免嘅港姐。當年佢以黑馬大熱當選,仲要以180cm嘅身高成為歷屆最高嘅港姐,而令人對佢留下印象。但佢當選後就向TVB申請因病而不出席任何活動,之後更稱因為累,而退選世界小姐及國際中華小姐競選,咩都無做咁滯。

张舒雅获得2008年香港小姐冠军

但紙包唔住火,佢其後被傳媒影到常常出入娛樂場所,結果令TVB震怒,仲決定罷免佢嘅工作,將佢雪藏,亦令下一屆嘅港姐冠軍冇咗上屆嘅加冕,認真經典。

2002年港姐冠軍 林敏俐

林敏俐係2002年嘅港姐冠軍,並代表香港出戰2003年度國際華裔小姐競選,奪得亞軍。但其後佢選擇急流勇退,據知佢離開娛樂圈嘅原因係因為參選港姐前已經喺美國完成3年嘅大學課程,所以要回美繼續學業。

2002年的港姐三甲冠軍林敏俐(中)、亞軍左慧琪(右)及季軍胡家惠

不過,亦有傳林敏俐因要接手亡父嘅生意,佢父親生前曾係香港著名成人雜誌《龍虎豹》出版業者林國光,為照顧居美嘅媽媽和兩個妹妹,所以先會回美國。至於邊個原因先係真,相信佢自己先知。

2000年港姐冠軍 劉慧蘊

劉慧蘊係2000年嘅香港小姐冠軍,當年佢更係四料得主,包括:香港小姐冠軍、最上鏡小姐、國際親善小姐和最具新世紀風采小姐。但一年後,TVB並冇同佢續約,而當年同屆嘅亞軍和季軍一樣冇續約,罕有咁同一年三個港姐都唔續約。

2000年港姐冠軍 劉慧蘊

1997年港姐冠軍 翁嘉穗

1997年嘅港姐冠軍翁嘉穗係個四料冠軍,包括:香港小姐冠軍、最上鏡小姐、東方美態大獎和都會魅力小姐。

1997年港姐冠軍 翁嘉穗

而佢唔續約嘅原因非常簡單,就係因為佢其後嫁咗俾佢大20年嘅七海化工集團有限公司主席鄔友正,之後做個幸福少奶奶,生活無憂。

翁嘉穗而家都仲好省鏡!

1986年港姐冠軍 李美珊

1986年香港小姐冠軍李美珊,係紐約大學生物系碩士畢業生,係當時第一位碩士生港姐冠軍,但當選後冇同TVB簽約,因為佢要回美繼續讀完正在修讀嘅課程。而家長居國外嘅李美珊,有時都會回港出席活動,而且亦係慧妍雅集嘅會員。

1986年港姐冠軍 李美珊

 

Like MisshkNews Facebook!不出门也能知天下事~

發佈回覆

你的電郵地址並不會被公開。