唔靠家姐提攜自己負債千萬,自食其力做風水師又發達

日前,樂壇天後容祖兒出席親細佬容逸恆嘅結婚典禮,迎娶女友Samantha,金器到豪宅一手全包,堪稱绝世家姐,大讚細佬變得成熟可靠。

相比之下,今年56歲,身家估計超過五億,更有娛圈富婆之稱嘅關之琳,對細佬嘅特殊照顧顯得低調多。

關之琳有後生佢10年嘅胞弟關世華,細佬竟然曾經負債累累,早年更申請破產。

三年前,同臺灣富商陳泰銘離婚之後,恢復單身嘅關之琳,膝下無兒無女,最親嘅就系後生佢11年嘅胞弟關世華。

關之琳原名關家慧,而關世華原名關家博,兩姐弟感情深厚。不過,關世華多年嚟專登低調,并冇借家姐嘅名氣上位。

據悉,關世華早年喺美國生活,返香港之後曾經從事保險等工作。

2013年,佢因為無力償還巨債,所以申請破產,而經過四年嘅破產生涯之後,佢喺2017年重新出發,并轉行做風水師傅。

據悉,關之琳嘅細佬原名關家博,為求轉運改名關世華,較早時佢帶領一班善信,喺北角碼頭舉行放生法會。

睇嚟,唔靠家姐名氣嘅佢,決心自食其力,一樣做富豪。

喺佢個人嘅風水網站中,佢自我介紹,表示從醉心玄學,擅長風水、紫微斗數、面相、手相同轉運,佢又聲稱,2004年跟隨蘇民峰學習風水命理,與慈玉濟寺嘅張玉英結緣,兼獲對方傳授天術。

Like MisshkNews Facebook!不出门也能知天下事~

發佈回覆

你的電郵地址並不會被公開。