一年一度香港小姐競選嘅日子又到啦，不禁令人回想歷屆港姐面試果時候嘅參賽佳麗，今次就為大家嚴選十位前港姐，同大家一齊回味下啦！
1、葉翠翠（2005年冠軍）
當年葉翠翠參加港姐面試果時睇落冇乜精神，加埋大紅玫瑰掛頸，入膊吊帶衫好老積。
葉翠翠當年呢個鳥巢頭紅遍香港，網民都指：「佢竟然係香港小姐冠軍！」 
雖然現年37歲嘅葉翠翠育有兩個仔，但宜家睇落比當年參選港姐時仲後生！
2、呂慧儀（2006年季軍）
有長腳蟹之稱嘅呂慧儀，13年前同宜家冇乜太大差別，當年面試果時凈系著牛仔褲，雖然好隨意，但最終係獲得季軍好成績。
選美結束之後，呂慧儀順利加入TVB旗下，更憑藉《愛回家》人氣急升。 
3、陳茵媺（2006年冠軍）
陳茵媺2004年參加多倫多華裔小姐之後，隔兩年就返香港參選港姐，五官標緻嘅佢帶啲鬼妹仔風格，雖然當時面試只系著住普通黑衫牛仔褲，但系憑住出眾外表而成功入圍。
2013年陳茵媺同陳豪結婚之後，先後育有三個仔女，做咗賢妻良母嘅陳茵媺，除咗平時出席活動之外，都以素顏示人，皮膚保養得好好，完全唔似系3個仔女嘅媽咪！ 
4.、陳庭欣（2010年冠軍）
陳庭欣當年以直發中分示人，著住一身青綠色孔雀圖案連身褲，勁有夏日渡假感覺，不過當年面圓圓，有啲似日本杜如風。
陳庭欣宜家同之前冇咩變化，比以前更識化妝同打扮，更增加一份女人味。 
5、湯洛雯（2012年參選）
湯洛雯2012年參選時獲得「旅游大使獎」同「美麗升華大使獎」兩個獎項，可惜最後落選港姐，睇番當年面試嘅相，已經好有女神feel！
入行後嘅佢越嚟越靚女，連佢自己都覺得同模特兒倪晨曦有啲似！ 
6、朱千雪（2012年季軍）
「千雪BB」絕對系近年最受網民歡迎嘅港姐！現時30歲嘅朱千雪參選2012年港姐競選，當年朱千雪面試果時無懼素顏，不過手臂同面珠就略為有肉地，但憑實力都成功入圍！
當年TVB首次推行一人一票選出港姐冠軍，千雪BB喺多方面民意調查支持度都拋離對手，可惜網上投票系統伺服器離奇噉發生問題，千雪BB最終屈居第三。
千雪BB選港姐後加入無線，參演過不少劇集，代表作《EU超時任務》大家一定睇過！千雪早年畢業於西門菲莎大學商業和傳理系，後來於香港中文大學攻讀企業傳播社會科學系碩士都還沒夠，再修讀香港城市大學法律博士學位！所以近來都慢慢談出幕前，十分可惜！ 
7、黃心穎（2012年亞軍）
同朱千雪同屆的還有黃心穎，當年參與時因為皮膚黝黑，被網民改花名做「黃賓穎」，又因為同草蜢成員蔡一智外貌相似，而被外界笑足多年。
獲選後，黃心穎比以前更識打扮，看起來更順眼，不過因為早前「安心事件」遭全城狂罵，更指被TVB雪藏。 
8、陳凱琳（2013冠軍）
一直被外界誤以為系混血兒的陳凱琳五官分明，當年著上一條花花背心裙，畫上兩條「貓眼」眼線，盡顯外國狂野風格，又不失女性的溫柔特質。
今年榮升媽媽的陳凱琳唔知系米照顧BB太辛苦，瘦到塊臉比以前更尖，蘋果肌日漸突出。 
9、蔡思貝（2013年亞軍）
昔日蔡思貝皮膚黝黑，手臂顯露出「老鼠仔」，看起來像是工地工人。
入行後因為工作需要而長期剪短頭髮，早期更被網民指激似KOL達哥同日本明星木村拓哉，不過短髮的蔡思貝看起來非常有性格！ 
10、麥明詩（2015年冠軍）
「十優港姐」麥明詩外貌不算叫人驚豔，但勝在智慧搭夠，大方得體，當年面試後已經極速被網民起底，發現他在傳統名校—女拔萃書院10A狀元，最後以大熱姿態奪得冠軍。
Like MisshkNews Facebook！不出门也能知天下事～
