恭喜「姐弟戀」修成正果,前TVB小花低調嫁細8歲圈外男友

今日娛樂圈又再爆出喜訊,現年36歲藝人梁靖琪就同拍拖兩年幾嘅男友終于修成正果,兩人日前正式入紙排期注冊,結婚通知書都隨之曝光,真系恭喜恭喜!

從結婚通知書中可以睇到,老公個名叫施雋賢,而職業系「Wealth Management Senior Manager(財富管理高級經理)」,真係年輕有為,不過兩個人嘅地址就唔一樣,相信暫時仍未同居。

其實在這之前,1983年出世嘅梁靖琪曾經歷過一段婚姻,喺2011年嘅時候與富二代男友黃敏豪喜結連理,不過好景不長,兩個人嘅婚姻凈系維持得半年就離婚收科,實在令人唏噓萬分。

雖然經歷過失敗嘅婚姻,但卻未令梁靖琪卻步,而緣份都喺2018年嘅時候降臨喺身上,當時佢畀爆出與細8年嘅圈外男友施雋賢甜蜜熱戀,而對方家底都相當唔錯,加埋兩人興趣相投,真係天作之合,而家終于步入婚姻嘅殿堂,真系可喜可賀!

事後,梁靖琪喺接受訪問時就表示:「我好多謝你們對我嘅關心,我同Jon(壅雋賢)嘅感情由相識到而家都好穩定,所以已經喺舊年訂婚,并計劃今年內會注冊結婚,由於Jon系圈外人希望以較低調形式進行,希望你們會給予我哋摯誠嘅祝福,多謝你們!」

講到梁靖琪,佢喺小康之家大嘅佢,老竇系前TVB總監梁家樹,后來佢都畀唱片公司發掘而與陳美詩、張曼伶、廖雋嘉一同組成「女生宿舍」出道,不過喺2006年年初就宣布解散各自發展。

之後加到TVB嘅梁靖琪,都開始咗喺電視劇集領域方面嘅發展,期間佢都拍攝過唔少膾炙人口嘅作品,比如《男人之苦》、《花花世界花家姐》、《團圓》、《戀愛季節》、《沖上雲霄2》、《點金勝手》、《使徒行者》、《味想天開》等。

不過可惜嘅系,佢喺2016年嗰陣就宣布離開TVB,與公司結束咗12年嘅賓主關系。

唔理點樣,希望梁靖琪可以繼續畀我哋帶嚟更好嘅作品,亦都祝福佢新婚快樂,甜蜜如初,恭喜恭喜!

發表回覆

你的電郵地址並不會被公開。 必要欄位標記為 *