恭喜恭喜!賭王四房兒子婚照曝光:宣布與國際超模領證結婚

較早時賭王四房嘅千金何超盈,豪華過大禮場面可以講係好震撼,而喺上個月四房兒子何猷君,就喺上海向拍拖一年幾嘅國際超模奚夢瑤求婚成功,場面盛大又創意十足,實在令人感動。

兩個人感情迅速升溫,奚夢瑤更加多次畀傳出大肚雙喜臨門好消息,但係當事人都出面澄清否認,唔理點樣期待佢哋早日傳出好消息。

而喺尋日下午,何猷君與奚夢瑤一齊喺社交平台曬咗領證嘅相,見到兩人著上白色嘅衫,喺紅底背景中合照,兼夾擺出愛心嘅手勢,真係隔著屏幕都可以感受到佢哋滿滿嘅愛意。

而另一張相中,見到奚夢瑤從後面環抱住何猷君,而何猷君就捉住佢對手,佢仲鬼馬留言寫道:「左邊呢個人有眼光。」

再次祝賀何猷君、奚夢瑤修成正果,喜結連理,都期待佢哋可以早日傳出好消息,再次恭喜恭喜!

Like MisshkNews Facebook!不出门也能知天下事~

發佈回覆

你的電郵地址並不會被公開。