恭喜!「TVB新聞小花」喺《東張西望》直播宣布訂婚成功

恭喜恭喜!娛樂圈再傳出喜訊,「TVB新聞小花」李旻芳喺《東張西望》直播宣布訂婚成功,其實佢同男友黃耀英感情都好穩定,而家終于宣布封盤,真系恭喜恭喜!

李旻芳滿臉都系掩飾不住嘅幸福感,佢開心宣布話:「我要結婚啦,求婚過程好Sweet!有兩隻愛犬陪住,又有我鐘意嘅音樂,最后我哋兩個抱喺一齊跳舞,多謝你黃耀英!」真系隔著屏幕都感受到兩人爆屏甜蜜!

屆時,李旻芳嘅搭檔區永權都馬上送上真摯嘅祝福,兼夾曬出與准新娘子李旻芳嘅合照,更開心留言寫上:「今晚呢位拍檔,喺節目中正式宣布已經訂婚,準備結婚升呢做人妻,恭喜恭喜!」

事后,李旻芳自曝,其實男友足足求咗三次婚先成功,而家終于抱得美人歸,兼夾婚禮定喺今年嘅11月5日。

佢甜笑回應話:「系呀!尋晚求咗婚,但好好笑,因為佢求咗三次先成功!!第一次佢太緊張啦,蒙住咗我對眼,唔記得叫我除眼罩,好大頭蝦!第二次佢又停咗個音樂,去第三次先圓滿,我哋有狗狗陪伴住進行,跳咗隻舞,好開心!」

1987年出世嘅李旻芳,喺入行前曾經做過空姐,後來喺2012年嘅時候參加咗《香港小姐競選》,最後遺憾落選,但系備受賞識嘅佢,喺選美結束之後就進入到TVB,正式發展其演藝事業。

喺進入公司之後,李旻芳除咗擔任主持之外,亦都喺多套電視劇集中有份參演,比如《愛·回家》、《忠奸人》、《女人俱樂部》、《使徒行者》、《醋娘子》、《收規華》、《刀下留人》、《完美叛侶》、《全職沒女》、《波士早晨》、《再創世紀》、《婚姻合夥人》等。

其實李旻芳喺舊年嘅3月份,佢從基本藝人合約轉為經理人合約,升呢成為TVB嘅「親生女」,而佢喺《再創世紀》中飾演財經評論員,重現2009年股評家胡孟青,因為股價急挫而悲泣嘅一幕都獲唔少觀眾嘅大贊。

唔理點樣,而家女神都穩到自己嘅真命天子,希望佢哋可以恩愛如初,婚姻幸福,期待佢哋早日傳出好消息,祝福!

發表回覆

你的電郵地址並不會被公開。