應屆港姐人氣急升,搖身一變成為公眾人物

謝嘉怡(Lisa姐)當選港姐冠軍之后人氣急升,一夜之間由素人搖身一變成為公眾人物,曾經講過自己自細就唔鐘意打扮嘅佢,入行后因為工作原因而開始學化妝。

呢日謝嘉怡喺社交平台曬出舊相同近照作對比,以前佢喺蘇格蘭生活以休閑打扮為主,鐘意帶愛犬到郊外游船河,生活簡樸。

謝嘉怡自從當選港姐冠軍之后,工作接不停,日前佢更忙裡偷閑上高樓睇夜景,而衣著都變得優雅斯文,外形可謂180度轉變。

謝嘉怡笑稱:「從鄉村女仔到都市女性」

不過人紅是非多,呢排網上癲傳一輯疑似謝嘉怡嘅不雅照,據悉呢輯相拍攝於2017年大埔南坑村,相中人睇似係混血兒,的確同謝嘉怡有幾分相似。

不過細心觀察下,原來相中人心口有痣,謝嘉怡就得頸上有痣。而相中人嘅牙好白,同謝嘉怡嘅灰門牙大有不同,謝嘉怡曾經解釋門牙灰白原因嘅,係細個嗰陣喺公園跌錫所致。

憑借2020港姐冠軍入行嘅謝嘉怡其實好好彩,皆因佢比起舊年港姐黃嘉雯奪冠之后,幾乎無話題無商演無演出,而謝嘉怡喺當選之后就接拍咗好多廣告代言,備受TVB力捧。

日前,謝嘉怡仲拍乸同屆港姐亞軍陳楨怡、季軍郭柏妍,齊齊擔任TVB慈善節目司儀,可見佢備受TVB重視。

喺TVB慈善節目一開場,謝嘉怡著上桃紅色晚裝打頭陣,除咗帶住嘉賓出場,仲企喺一班嘉賓嘅中間,逐一介紹嘉賓。

不過謝嘉怡可能因為太過緊張,佢除咗頻頻講錯詞之外,佢廣東話仲要口音唔正,顧得到前面攝影機鏡頭又顧唔到臺詞,結果緊張嘅佢將要講嘅臺詞忘記咗好多。

隨后謝嘉怡疑似細細聲講咗一句以F開頭嘅粗口,佢身邊嘅男士都好錯愕噉睇咗佢一眼,然后扮無事發生。事后有網民喺社交平臺紛紛留言指聽到謝嘉怡爆粗口,更有人話佢EQ低等評價。

事后謝嘉怡喺后臺接受咗媒體采訪,佢首先否認自己喺節目上曝粗,佢話佢當時要講「服務有需要嘅人」,點知當佢講到「服」字之后就唔記得后面臺詞,所以令到大家誤以為講粗口喇。

謝嘉怡仲強調自己平時斯斯文文,唔會講粗口嘅,首要任務就係要學好廣東話同惡補香港文化,相信自己可以克服語言困難。

Like MisshkNews Facebook!不出门也能知天下事~

發佈回覆

你的電郵地址並不會被公開。