應屆港姐冠軍雷莊? 宣佈返家鄉:嗰邊生活冇咁辛苦

新一屆港姐又嚟喇!今日無綫仲開始招募行動,請來陳凱琳、麥明詩、雷莊?同劉穎鏇等人到尖東出席「2018香港小姐競選」記者招待會,劉穎鏇仲獲大會送上蛋糕,慶祝21歲生日。

左起:劉穎璇、邵佩詩、陳凱琳及麥明詩
雷莊兒

睇落去之前,停一停諗一諗,應屆港姐三甲,係邊三個?冠軍係雷莊?,仲拎埋最上鏡小姐,何依婷和黃瑋琦分獲亞軍同季軍。

當選一刻…….左起:張寶欣、何依婷、雷莊兒、黃瑋琦

零印象?好正常。因為佢哋除咗官方嘅工作之外,實際冇咩做。所以本來話改名唔再用「?」字嘅雷莊?,最後連名都唔改喇,做番自己。今日喺活動上仲宣佈,卸任後,佢會返加拿大老家。早於日前雷莊?同張寶欣出席大台另一活動時,已被傳媒追問未來動向,當時雷莊?就話未講得住,要等到卸任時就會揭曉。雖然話唔講得,但雷莊?都爆咗句:「我都想有忙碌嘅工作。」

今日港姐宣傳上,雷莊?就話,卸任後想返加拿大:「選港姐嗰陣,講過想去荷李活發展,睇下有乜嘢機會,因為我覺得嗰邊需求中國演員,而且嗰邊生活冇咁辛苦。」換言之……此外,雷莊?晚上近八時,喺ig貼圖話:’In every ending, there is a new beginning. ‘跟住寫一大段客氣話,最後話:’No prize or title will be as valuable than the times we all laughed & cried together. Keepin’ it real till the end. ‘

雷莊?去年9月當選時,都真係講過想喺呢行發展,仲話多倫多有間agency想佢合作,而佢嘅目標,係去荷李活發展。當時外間批評佢哨牙,五官不夠標緻,雷莊?就話:「我咁遠嚟(即加國),對自己當然有信心,否則都唔會嚟參選,評判都係好專業,所以我唔會理會嗰啲。」至於箍牙,冇諗過。當時報道得最多,除咗佢棚牙,仲有佢個「紅底爸爸」雷葆文。外間傳佢有過億身家,98年金融危機損手,近年積極參與大陸政府活動,政商界人脈甚廣云云。不過雷莊?就話唔會理呢啲報道,家人亦未受影響。雷莊?任內另一項「戰績」,係代表香港當選《2018國際中華小姐》季軍。

「紅底爸爸」雷葆文
麥明詩
陳凱琳,新髮型

 

Like MisshkNews Facebook!不出门也能知天下事~

發佈回覆

你的電郵地址並不會被公開。