拍劇拍到左胸骨裂!TVB力捧小花:簡直系折磨

憑借《幕后玩家》同《再創世紀》演技備受認可嘅鄧佩儀,雖然后生細女,但系卻好敬業。為咗拍攝新劇,以最好嘅狀態出現喺觀眾面前,更加系一直密密操fit身形,不過好似“大力過猛”,不慎搞到胸骨爆裂,要三四個月嘅時間慢慢修養康復。

一直以嚟對于運動都好熱衷嘅佢,不時都會喺社交網上上載咗一啲爬山或者健身嘅相,然而最近呢幾個月都要暫停運動修養,數數手指,前前后后鄧佩儀有近8個月都未能進行運動鍛煉。

好彩康復進度理想,日前鄧佩儀都終于重新「復出」健身,繼續喺社交網上曬健身嘅靚相。唔少粉絲都連隨表示心痛,紛紛留言表示,叫佢唔好太心急,萬事都要小心為上,唔系再次受傷就唔好啦。

經過今次骨裂,鄧佩儀都發文表示:「因為胸骨裂,足足八個月唔可以做運動,今日終于可以慢慢重新開始運動啦,太開心啦!雖然做運動時,胸骨時不時都會痛,但這是一個好嘅開始!」

1992年生嘅鄧佩儀,喺移民加拿大溫哥華之后就喺英屬哥倫比亞大學主修市場學,期間,佢系參加2012年溫哥華華裔小姐嘅時候,憑借大熱嘅姿態奪得咗冠軍寶座,次年再戰國際中小姐競選,更加再度勇奪冠軍寶座,順入行成為藝人。

而佢參演嘅首部劇集《點金勝手》,就同黃宗澤拍乸合作,飾演其親妹妹,由于其演出自然,深受觀眾嘅好評,備受認可。

隨后鄧佩儀喺《幕后玩家》中再度與黃宗澤合作,因為劇中角色,與佢平時生活一樣慳儉而獲得咗“無線慳妹”嘅稱號。

除此之外,仲參演過唔少嘅電視劇集,比如《沖線》、《東坡家事》、《鐵馬戰車》、《公公出宮》、《不懂撒娇的女人》、《超時空男臣》、《律政強人》等。

據悉,喺跟住落嚟嘅新劇《今宵大廈》、《鐵探》、《機場特警》、《降魔的2.0》中,鄧佩儀均有份參演,唔知到時佢又會畀我哋帶嚟點精彩噶演出呢?不過最重要嘅系,希望鄧佩儀可以早日痊癒,祝福祝福!

發表回覆

你的電郵地址並不會被公開。 必要欄位標記為 *