拒絕翻TVB拍《使徒行者3》?佘詩曼回應:我都好想同林峯再合作!但……

藝人佘詩曼較早前喺尖沙嘴出席一個網絡平臺頒獎禮,阿佘獲頒年度實力演員,佢表示,因為《延禧攻略》嫻妃一角,令佢喺網上多咗唔少粉絲:「多咗差唔多五百萬,估唔到威力咁大,都冇諗過呢部劇嘅影響力有咁大。」

問到以后會唔會更活躍于網上平臺,以及發貼文嘅時候會更小心,阿佘話:“我一直都有諗清楚咗先發貼文嘅,始終有好多粉絲,希望對佢哋有好嘅影響。”

林峯將會返TVB拍《使徒行者3》,阿佘喺《使徒行者》飾演釘姐而大獲好評,問到有無畀邀請回巢助陣?

她表示:「TVB有同我斟過,不過好可惜檔期唔啱,因為要內地拍劇,一早就應承咗對方,4月尾就返內地拍戲,預計有五個月嘅時間內地喺攝影,今次系古裝,偏向遼代比較有蒙古feel,到時候要去內蒙古同要騎馬,我都怕會整傷條腰,上次已經試過整傷。”

唔可以喺《使徒行者3》睇到「爆釘組合」,真系好可惜喇!

發表回覆

你的電郵地址並不會被公開。 必要欄位標記為 *