有咗?阿嬌脹爆出席活動,落臺即換平底鞋

現年38歲索爆人妻鍾欣潼(阿嬌),身形嬌小但唔系屬於纖瘦一族,不嬲都有啲「肉地」。佢之前更曾經因為要雪卵而導致荷爾蒙失調,令到身形暴脹,體重重咗足足20磅,用咗好多時間同埋努力去喼弗先回復苗條。

舊年12月佢同中國臺灣醫生賴弘國舉行婚禮時,就一度keep得勁fit,當日嘅佢靚絕全場。結婚之後嘅阿嬌身形就出現咗幸福肥嘅現象,佢上個月試過出席活動時就坦承自己結婚之后確系肥咗,系時候要開始喼弗。

不過阿嬌尋日喺橫店出席粉絲見面會嘅時候,身形就明顯大咗一個碼,顯得相當圓潤。束起頭發嘅佢露出雙下巴,加埋佢著上白色松身連身紗裙,望落就更加肥,驚現水桶腰同巨羅柚。

雖然佢已經褸住牛仔衫嚟遮掩手臂,亦遮掩唔到佢圓碌碌嘅身形,散發出濃濃嘅孕味。

網民紛紛留言估阿嬌系咪已經有咗,又叫佢就算幸福都唔好做肥師奶。而阿嬌嘅經理人霍汶希就否認懷孕嘅傳聞,表示已叫咗阿嬌要喼弗。

其實傳阿嬌有咗已經不是第一次!今年3月份,搭飛機到長沙做嘢,著上白色冷衫黑褲嘅阿嬌,身形有啲突出,更畀影到肚凸凸孕味濃!

不過最尾都係否認大肚傳聞,都係以“肥咗”、“要喼弗啦”回應大家。

雖然唔知今次系米真系大咗肚,不過我諗大家都好想阿嬌可以快D生翻個。

發表回覆

你的電郵地址並不會被公開。 必要欄位標記為 *