林峯準備娶張馨月?畀爆六一兒童節已經偷偷求婚

TVB小生林峯張馨月拍拖一年幾時間,而兩人更加多次傳出好事近嘅消息,據媒體爆料指,林峯喺今個月月頭嗰陣就已經偷偷到女方嘅鄉下求婚,唔知今次系唔系真噶呢?

據悉,呢個爆料者系認識張馨月屋企人嘅人,更指林峯準備喺今年年尾同女友,喺自己40歲生日當日結婚,修成正果。而張馨月又的確喺6月1日當日喺社交網上曬出用花花砌成巨型兔仔嘅「戰利品」,好似系林峯送嘅禮物。

據爆料者講:「我識張家嗰邊嘅親友,話林峯6月1日偷偷由劇組去張馨月嘅鄉下求婚,仲諗住12月8日林峯生日嗰日結婚。」

事後記者同林峯求證婚訊嘅時候,經理人公司就回應話:「6月1日系拍《尋秦記》未請假,關於感情事,一槪不回應。」

而有份參與拍攝《尋秦記》嘅郭羨妮、苗僑偉、滕麗名就直言未有收到風,林峯偷走出去求婚,三哥苗僑偉都避忌表示唔方便評論。

郭羨妮表示:「冇聽過呀!不過我梗系希望阿峯佢娶個好老婆啦!我都有見過佢女朋友嚟探班,但系我都同阿峯講,都未睇清楚佢女朋友個樣,因為喺拍到嘢唔會咁張揚。」

而作為林峯堂妹嘅林夏薇都收到求證嘅信息,佢就避談表示:「我冇聽過喎!噉就要問返阿哥啦!」 唔理點樣,相信各位粉絲都希望男神可以早日傳出好消息,不過喺截稿前兩位當事人仍未回應,不論系真系假,都祝福佢哋!

發表回覆

你的電郵地址並不會被公開。 必要欄位標記為 *