林欣彤宣布同王祖藍結束三年賓主關系:江湖再見,得閑飲茶!

喺香港無線電視節目《超級巨聲2》中奪冠出道嘅林欣彤(Mag),尋晚喺IG貼出同老板王祖藍嘅合照,宣布告別雇傭關系。

Mag留言話:「祖藍老板,好感激呢三年你對我嘅照顧,我一直都好感恩可以喺你身邊,同一個咁有才華,卻謙厚,而且懂得尊重同愛嘅人學習,喺呢三年我的確成長咗唔少;我都好多謝你對我包容、畀我嘅機會同喺我身上花嘅心機同時間,你一直信我,讓我自由噉建立自己嘅音樂事業,喺我背后默默支持住我,你成日話:『最緊要系你覺得舒服、開心』你嘅無私,一直都讓我好敬佩同感激,多謝你花喺我身上嘅一切。」

而Mag與祖藍今次「分手」,好似并未鬧得不愉快,因為佢寫道:「約盡了,但唔代表緣盡,希望以后會再有機會喺你身上學習。」Mag更約定祖藍「江湖再見,得閑飲茶。」

至於祖藍亦都喺IG貼同一幅相,并說:「雖然你每次搵我,都好尊敬咁叫我一聲『老闆』,但其實講到意志、能力同才華,你真系系一啲都唔輸蝕,我真系受之有愧。雖然唔能夠親手送你企上處女演唱會咁嘅舞臺,但呢三年陪你走過嘅路,困難嗰陣嘅扶持,都帶畀我好多美好回憶、成長同學習,容許我衷心同你講一聲:多謝!」

祖藍更祝福Mag去到新公司后有更好嘅發展,更「呼應」Mag嘅留言話:「天下無不散之筵席,但完約并唔代表完結我呢位街坊,好歡迎你隨時搵我飲茶。」

其實Mag嘅星途都講得上坎坷,佢喺2010年參加《超級巨聲2》,經常得到高分,次年佢簽約英皇,成為容祖兒師妹,又喺多個樂壇頒獎禮上奪得新人獎,后來Mag嘅健康出現問題,影響佢演藝事業發展,幾經轉折,于2016年轉投祖藍嘅經理人公司。不過,喺呢三年間,不時傳出Mag因為對工作安排有意見,所以有意離巢。

Mag與花名「宇宙G.E.M.」嘅鄧紫棋都有「小巨肺」之稱號,但系,G.E.M.喺上月頭爆出與經理人公司「蜂鳥音樂」宣布終止獨家經理人合同及音樂創作方面嘅合約,現時加埋Mag離巢變自由身,兩位「小巨肺」去向備受關心。

發表回覆

你的電郵地址並不會被公開。 必要欄位標記為 *