洪欣為咗張丹峰瞞婚三年,結果等嚟出軌

洪欣嘅內地老公張丹峰疑似出軌經理人畢瀅,雖然張丹峰曾經發聲明否認,但洪欣到而家仍未開口,令呢單婚外情疑云仍未解決。

呢排內地媒體更翻舊賬,洪欣同張丹峰喺2006年領證結婚,但當時兩個人都冇公開已經成為夫妻,直至2009年補辦婚禮,外界先知道張丹峰一早已經娶咗洪欣。

當初點解要瞞婚三年呢?較早時洪欣接受內地節目訪問表示:「主要系考慮到張丹峰,因為佢話曬仲系一個新人,如果佢同一個比較出名嘅人結婚,會唔會畀大家有啲諗法,怕影響佢事業嘅發展,等佢事業越嚟越好,然后再公開。」

情路崎嶇嘅洪欣,仲喺節目中直言:「我一直都系選擇愛情嘅,愛情對我嚟講好重要嘅。」

1990年入行嘅洪欣,曾經拍攝過《魔刀俠情》、《原振俠》、《少年五虎》等劇集,2000年為舊愛莫少聰未婚生仔,個仔未出世兩個人已經分手,賠上咗事業嘅洪欣,轉戰內地發展。

之後識咗細自己9年嘅張丹峰,當時張丹峰冇咩名氣,被指為女尊男卑。

喺內地娛圈浮沉多年嘅張丹峰,直至2015年拍攝劇集《花千骨》先上位,并獲得「亞洲影響力東方盛典」頒發實力男演員獎項,估唔到洪欣終於等到老公成名,卻爆出張丹峰出軌疑云,2013年婚姻陷入危機。

Like MisshkNews Facebook!不出门也能知天下事~

發佈留言

發佈留言必須填寫的電子郵件地址不會公開。 必填欄位標示為 *