港姐司儀冇曾志偉?馮盈盈:呢個世界唔會冇咗邊個就唔得嘅

TVB節目《后生仔傾嚇偈》,日前邀請20位入圍后選佳麗到節目進行錄影。兩位前港姐冠軍靚麥明詩、馮盈盈,一路以言論大膽出位貼地見稱,被問到較早時曾志偉言論話:「香港小姐競選改制之后,又現場Live改為錄影,慘不忍睹,其實記者傳媒朋友一齊出埠報道,可以讓觀眾加深認識班后選佳麗,節目先會豐富。」

馮盈盈直言話:「其實港姐已經都有四十幾年,我哋見到有好多新的嘗試,想有新的方式,例如特別到上嚟《后生仔傾嚇偈》其實都系想有新的idea,睇下有冇新的火花出嚟啫。」隔離麥明詩話:「錄唔錄影呢啲就高層決定,唔系好清楚啦,其實錄影有錄影的好處,好似《后生仔傾嚇偈》一樣,都喺錄影,我哋唔喺晚晚都會見到大家的,其實有時錄影都可以剪多啲精髓出離,再者大家喺冇咁高壓下情況演出,可能發揮得更好,未必唔系一件好事蘿。」

曾志偉由1995《獎門人》為無線打江山,曾做過多屆港姐司儀創出佳績,陳百祥都話:「佢系為無線攞收視。」港姐冇咗志偉會唔會真系唔得?盈盈話:「其實呢個世界唔會冇咗邊個就唔得嘅,噉我覺得例如過往呢兩年都可惜,志偉哥都唔喺到,冇參與到,都有令一種感覺都會有一定水淮畀大家睇番,反而有陣時太過盟塞強調佢要一定喺到,我哋就唔會有驚喜!反而試下新組合新人選,有新世代接棒,相信會系大家想要見到局面。」

Like MisshkNews Facebook!不出门也能知天下事~

發佈回覆

你的電郵地址並不會被公開。