港姐落選嘅佢,原先系《K-100》主持,后來去荷里活發展10年終回流,而家大爆當地潛規則

劉倬琦(英文名:Patricia Liu,1975年2月7日-),原名劉依清,曾使用藝名劉綽琪,1997年度的香港小姐候選佳麗,前無線電視及亞洲電視女藝員。

出走美國多年嘅劉倬琦,最近回流香港發展,日前接受TVB訪談節目《今日VIP》嘅訪問,與主持吳家樂暢談喺美國荷里活演藝圈嘅生活,原來有唔少嘢令佢相當唔習慣。

劉倬琦喺節目中講到,有好多人都話佢系復出演藝圈,但佢卻說:「我一直都仍然系演員,大家都好奇怪我復出翻,其實我一直都做緊演藝事業,去咗美國發展,因為屋企同埋好多嘢令到我想轉一轉。」

「美國嗰邊好多acting school,做開演員嘅都知道,演員系不進則退,就會諗有乜嘢可以突破,加上屋企人喺嗰邊,所以當時就試嚇去嗰邊。因為屋企發生啲事,所以返嚟香港,始終香港朋友多啲。」

而同為演員的吳家樂,當然想知道更多在荷裡活那邊的情況,而劉倬琦卻沒有太大好感:「佢哋好理論派,同埋你會好唔慣casting,試鏡系難過真正拍攝,你唔知鏡頭喺邊,又唔俾用道具,你要一take過得就得唔得就唔得,亦唔會話返你聽衰咗啲咩。之後我去咗啲acting class,原來系唔可以拎住啲道具做戲,如果唔系導師就睇唔到自己成個人,我又要重新適應過。」

「以前喺香港唔識珍惜,去到美國之後仲覺得,呢啲嘢喺香港拍完好耐喇,你仲喺度打緊燈。可能有啲嘢美國固定咗就唔會變,你知香港好變通,所以會愈來愈掛住香港嘅拍攝。同埋有啲大導演系唔直接同你講嘢,我拍過一部電影,唔開名喇,佢系同個pa講完,之後由個pa發放個資訊出去,你會覺得好歧視嚇,個階級觀念好重。不過嗰邊有貴賓車,亦唔使擔心食嘢,仲可以打埋包,汽水由任飲,所以啲製造費會好高。」

劉倬琦亦講到,去到美國很快便加入了演員公會,因為是必須入的,福利好。曾經有一個演員朋友,不出名的,拍了一個廣告,由於那邊是當廣告每一次在不同平臺播放便會有錢收,所以那位朋友一年總共收了10萬美金。

當然很多人都想知道,為什麼她會回流返來香港呢?她說:「喺嗰邊又開始覺得自己無突破,又可能近來內地市場開發咗,曾經有人問過我,咁唔會優化咗我哋(喺外國嘅華人演員)咩,但原來唔系。」

「而家荷裡活嘅大型製作,佢會直接去亞洲揾人,變咗我哋機會仲少。同埋有啲嘢好唔make sense,有一間大型電影6月澳洲拍,5月先叫你casting,仲要系女主角,但你已經知道佢已經揀定咗人,因為其實已經去到training階段,但因為佢要做一啲嘢俾個演員公會知道我有喺你度揀人。」

Like MisshkNews Facebook!不出门也能知天下事~

發佈回覆

你的電郵地址並不會被公開。