港版陳柏霖趁TVB「無人才」加盟拍劇,曾因藏毒畀封殺嘅佢都算成功

冇后臺,喺娛樂圈打拼就唯有一步一個腳印,比如視帝黎耀祥,到咗中年先開始崛起。

相反,有后臺嘅星二代,想翻身好易,擁金剛不壞之身嘅歌手關楚耀,有個殿堂級唱片監制爸爸關維麟同契爺譚詠麟撐,機會明顯比人多。

2009年,關楚耀同女友衛詩喺日本藏毒被捕,雖然最后無罪釋放,但形象事業插水要退出娛樂圈一段時間洗底。

事業大上大落都冇打沉信心,靠曬一班圈中知名人士背后支持。

呢排更有機會拍無線劇《特技人》做男二,戲份夠搶眼,喺劇中演反叛富二代導演入型入格,成功一洗頹氣。

據了解,近幾年TVB小生不斷離巢,唯有搵外援,歌手都開始被揾緊嚟拍劇。

唱片公司睇定時機幫關楚耀上位,不停同高層同監制引薦拍劇。

除咗事業轉強,愛情桃花朵朵開,同衛詩分手九年,關楚耀一直唔愁寂寞,同圈外女友Megan拍過兩年拖,分手之后同韓籍內衣索模Miu Kim拍拖一年,舊年分手。

最近出席活動畀問及戀情,佢都聲稱單身,但原來單身系煙幕。

呢排,佢戀情曝光,同有小林依晨之稱臺灣演員安于晴過從甚密。

二人上咗大坑一棟大廈,短敘后安于晴陪關楚耀去拍劇,關系非一般朋友。

Like MisshkNews Facebook!不出门也能知天下事~

發佈回覆

你的電郵地址並不會被公開。