準備做父母?TVB小生興奮向密友透口風:老婆佗B兩個月

舊年TVB頒獎禮上,最大嘅驚喜就系蕭正楠現場宣布同黃翠如結婚,當時由黃翠如手上羅到「最受歡迎電視拍檔」獎嘅蕭正楠以一句“多謝我太太黃翠如”,瞬時引爆全場!

唔單止臺下嘅藝人覺得意外,就連臺上嘅主持人都木獨咗幾秒鐘,先反應過嚟,紛紛上去恭喜呢對新人!

雖然之后佢哋冇舉行隆重嘅婚禮,注冊時都冇親友見證,婚戒更加系由餐具卷成嘅,但對于黃翠如嚟講,只要有真心愛住自己嘅另一半就足夠,其他物質條件只系錦上添花,唔系咩?

結婚之后為咗方便黃翠如返外家探父母,一直都覺得有所虧欠,蕭正楠都好大方將愛巢搬到附近,平時生活中,更加系滿足老婆嘅一切愿望,黃翠如想飲奶茶,佢就去排隊;黃翠如要朝早開工,佢就充當司機;除此之外,為咗畀老婆過得更好,蕭正楠都系加快步伐賺錢,真正做到咗將對方擺喺個心度!

眼見老公咁體貼,黃翠如都好畀心機咁開始學習烹飪。日前適逢蕭正楠生日,佢就親自下廚,做咗一餐愛心餐,雖然黃翠如啲手勢都唔系好好,但呢份心意,足以畀蕭正楠甜到心頭!

原本對于新婚夫妻嚟講,大肚生仔唔心急,而黃翠如、蕭正楠都系屬於打拼事業嘅黃金期,但今日就有媒體爆出黃翠如佗B兩個月嘅喜訊,不禁讓人感慨蕭正楠嘅生命力超旺盛!

據悉第一次做老豆嘅蕭正楠,知道呢個消息之后,就興奮到唔知點先好,之后更加掩飾不住激動嘅心情,向身邊密友漏出口風,表示屋企又有好事,只系而家唔公開!

收到爆料之后,媒體即刻追跡正在為新劇開工嘅黃翠如,據知情人透露,雖然佗B唔夠三個月,但為咗保護胎兒,黃翠如都有提前同監制打招呼,所以劇中有啲要出體力嘅戲份基本交由替身完成。

每當拍完自己嘅戲份之后,黃翠如就會畀工作人員團團圍住,猶如眾星拱月般,見到記者喺現場探班,佢哋仲會自動上去,幫手擋住視線,以免提前曝光!

而黃翠如都好小心,非常緊張肚里小baby!,唔單止周時向已經生過仔嘅陳自瑤請教育兒經驗,就連上載相都要搵手袋嚟遮一遮!

只系千防萬防,諗唔到仲系提前畀外界睇出咗破綻!不過有礙于民間習俗,當事人都冇親自回應佗B之事,但媒體爆料從來唔會無的放矢,所以真心恭喜翠如BB啦!

自從TVB放開咗對藝人結婚生子嘅管制,小生花旦們都接連走入婚姻殿堂。再加埋陳凱琳、單文柔、岑麗香先后宣布有喜,女藝人似乎都將家庭擺喺咗第一位!

不過對于黃翠如大肚,misshk仲系覺得有啲不可思議!話曬自從2018年7月份以嚟,佢就劇接劇冇停過,從拍乸森美拍攝《過街英雄》到頂替李佳芯拍攝《致所有愛的人》,期間,仲有唔少商場站臺,工作咁頻撲,仲可以快速受孕,只能講黃翠如真系有福之人!

Like MisshkNews Facebook!不出门也能知天下事~

發佈回覆

你的電郵地址並不會被公開。