藝人@麥明詩Louisa出席《夏日VR明星決戰》第三個回合活動，即場大玩VR電子游戲，佢表示之前都有玩過VR，覺得幾好玩，可以邊玩邊做運動：「以前VR技術冇咁先進，試過玩完會頭暈，依家玩就冇。”
問到細個嗰陣系咪專注讀書，而甚少打機？佢坦承：“系，我屋企冇游戲機，以前嘅辛苦，就系為咗將來嘅開心。（會唔會通宵打機？）都試過，但第二日有工作，前一晚就唔會打通宵，工作行先。”至於有否遇過機迷男友，佢話冇，亦唔中意過分沉迷打機嘅男生：“打嚇機唔緊要，但成熟同上進嘅男士要識得平衡家庭、事業、我同打機，唔可以過分沉迷，如果唔系，我會呷醋。”
另外，提到呢屆港姐，麥明詩稱都有留意侯選佳麗：“佢哋有上嚟我哋個節目《#后生仔傾嚇偈#》，我對4號鄧美欣同16號黃子桐比較印象深，4號好得意，16號就爽朗幽默。”
本文轉載於東網
本站負責轉載以及潤色本文
如有侵權，請聯繫刪除
Like MisshkNews Facebook！不出门也能知天下事～
