為咗喺TVB做咗二十幾年茄喱啡,曾經窮到「食樹根」

TVB綠葉王多不勝勝數,好多藝人有實力,但從來未得到過力捧、重視。例如三年前憑住《城寨英雄》飾演壞老竇爛賭發而令人眼前一亮嘅魏惠文,原來係學院派出身,真正嘅專業演員。

魏惠文喺1990年于演藝學院戲劇系畢業,入行二十幾年以嚟,佢從來冇變過初心,一直熱愛演戲,就算係做足23年「茄喱啡」。

魏惠文係第三屆演藝學院畢業生,同期同學有李婉華、劉玉翠、陳錦鴻、梁榮忠同魏駿杰等,中學時代已經鐘意戲劇嘅佢更加係電視精,所以中學畢業之後兩年就投考演藝學院。

喺學校嘅時候,戲劇為綜合藝術,音樂、舞蹈、戲曲身段,每一樣都要識,魏惠文形容自己係愚鈍又單純嘅學生,唯有將勤補拙。

畢業之後兩年,魏惠文不斷去試鏡,但係無人聘用,唯有做散工維持生計,曾經試過3個月只賺到2000幾蚊,佢以食樹根嘅日子嚟形容呢段時間。

之後佢喺師姐介紹下加入TVB配音組,輾轉下赴馬來西亞拍劇,直至1996年,佢加入TVB成為藝人,但一直飾演嘅茄喱啡角色,一做就做咗23年茄喱啡。

捱得咁辛苦好多人應該都會轉行,話曬喺香港是但搵份正職工可能都比茄喱啡人工高,但魏惠文並冇放棄,結果魏惠文嘅機會就喺20年後出現,佢飾演《城寨英雄》嘅爛賭發,演技獲人肯定,人氣急升。

發表回覆

你的電郵地址並不會被公開。 必要欄位標記為 *