獲封TVB新一代「姣花」,25歲華姐冠軍憑熱播劇爆紅

TVB熱播劇《她她她的少女时代》出街到而家已經一段時間,由于劇情貼地夠生鬼,令劇集播出後引起唔少觀眾共鳴,反應不俗,收視成績理想。

喺劇中有視後田蕊妮助陣,佢飾演面臨中年危機嘅中女,與首次擔正男主角嘅曹永廉合演一對離婚夫妻,笑料百出。

除此之外,仲有實力戲骨李思捷,一眾年青演員包括林凱恩、余思霆、林宣妤等人,佢哋表現出色,令觀眾大為贊賞同支持。

而呢排播出嘅新一集當中,喺劇中飾演張智強(曹永廉飾演)女兒張晴(林凱恩飾演)嘅同學余思霆,因為一直暗戀同學嘅爸爸張智強,佢出盡法寶勾搭Uncle,更拍咗一輯Cosplay嘅性感靚相,相當養眼兼搶鏡。

事關,余思霆唔止以比堅尼上陣,眼神更充滿挑逗性,無論係表情定神態都完美演繹出一種「姣」嘅感覺。

除此之外,余思霆仲落力做Gym不停大騷驕人身材,更做出高難度動作空中一字馬,令人嘆為觀止。

網民力捧余思霆成為TVB新一代「姣花」,令佢嘅人氣持續高企,更有網民給予高評價,指現時仍然作為新人嘅余思霆,只要假以時日磨煉演技,有望成為下一個TVB視後!

據悉,現年25歲余思霆係選美出身,佢系2017年度國際中華小姐競選嘅總冠軍得主。

入行時間雖然好短,但深得TVB力捧,期待佢繼續為觀眾帶嚟經常噶演出!加油!

發表回覆

你的電郵地址並不會被公開。 必要欄位標記為 *