畀媽咪嚴重警告!TVB小花直言唔會再出寫真:佢比較保守

尋日,TVB小花樂瞳現身ViuTV為拍攝節目《估你唔到》,同場亮相嘅嘉賓仲有TVB綠葉黃澤鋒同佢太太陳麗麗,系人都知道,陳麗麗舊年以51歲高齡成功大肚,預產期預計喺7月尾。

樂瞳見到陳麗麗之後直言佩服,佢話:「咁大年紀仲生小朋友,我覺得系女士們嘅希望,加埋我自己年紀都唔細,所以考慮雪卵,但好驚變肥,同事都話要做完呢幾個月工作先去雪卵。」

期間,傾到不嬲身材驕人,問到今年會唔會出寫真,滿足一眾粉絲嘅愿望?樂瞳就直言唔會,事關媽咪已經落咗命令,唔準佢再出任何寫真。

樂瞳話:「媽咪嚴重警告我唔好再出寫真,其實我覺得呢件事系好健康嘅,但系媽咪為人比較保守,話我已經出咗一本留念就算嘞,我都系咁諗,留低最好一刻畀大家就算嘞,靚相之後都會喺社交平臺發布啦。」

今年已經33歲嘅樂瞳,原名叫做龔茜彤,佢系模特兒出身,據聞佢嘅老竇系水電工,而媽咪就系公務員,而樂瞳排行第一,佢仲有一個細佬,身為長女要畀細佬樹立好榜樣,所以父母對樂瞳自細嘅家教好嚴厲。

2007年樂瞳參加第21期無線藝員訓練班,正式入行投身娛樂圈發展。出道之後,樂瞳主力拍攝電視劇,不過初期都系做茄喱啡為主,由于佢體格嬌小,把聲溫柔,後來獲監制發掘,經常安排佢演宮女,對白都慢慢多起來。

佢飾演嘅劇集包括有《點解阿Sir系阿Sir》、《法證先鋒III》、《當旺爸爸》、《護花危情》、《回到三國》、《大太監》、《幸福摩天輪》、《初五啟市錄》、《情越海岸線》以及《師父·明白了》等。

其中,喺《法證先鋒3》中,佢演嘅天眼少女呢個角色實在經典,深入民心,相信到而家都有好好多粉絲印象深刻,憑呢個角色,樂瞳人氣急升,演技大獲關注同好評。

2017年樂瞳突然間宣布約滿離巢,正式與TVB結束長達10年嘅賓主關系,而劇集《平安谷之詭谷傳說》就成為咗佢嘅告別作品。

發表回覆

你的電郵地址並不會被公開。 必要欄位標記為 *