畀監制嫌棄大髀好粗,「TVB小花」冇緣著短裙拍新劇

「TVB小花」陳瀅日前為TVB新劇《愛美麗狂想曲》開工,呢部劇殺青之後嘅第二日,佢馬上接拍由歐陽震華、馬德鐘、萬綺雯等人主演嘅劇集《伙計辦大事》。

陳瀅透露準備要忍痛剪去長發,以配合新劇角色,所以大感不舍,但佢都期待送畀觀眾新感覺,希望唔會嚇親人。

陳瀅自爆原本需要著超短褲演出,但《伙計辦大事》監製嫌棄佢大髀好粗,而家改著長褲上陣,陳瀅表示之前有人話自己好大隻,真係好嬲啦!

陳瀅今次喺新劇飾演一個揸小貨車嘅女仔,比較有型,所以呢個月去健身操肌練線條,希望有呢個感覺。

傾到緋聞男友陳家樂呢排再畀拍到去咗佢嘅香閨,陳瀅表示乜又去呀?我冇睇到,總之唔係我屋企,唔關自己嘅事!

陳瀅又主動澄清較早前與“老公”嘅親密合照,強調兩個人係”好好好好“朋友,平時用老公、老婆相稱,并非發展對象,并指如果係發展就唔會咁輕易公開。

發表回覆

你的電郵地址並不會被公開。