畀TVB封殺?前TVB小生主演《深宮計》高收視但零提名

較早前,TVB嘅《萬千星輝賀臺慶》就已經頒發咗馬來西亞同新加坡兩地嘅視帝視后。而跟住落嚟,就系大家都好期待嘅TVB《萬千星輝頒獎典禮》。咁喺琴日就已經公布咗下月頒獎典禮嘅入圍名單,當中更有唔少出乎意料嘅提名。

雖然,先前熱播嘅劇集《宮心計2深宮計》并非臺慶劇,但系劇中演員嘅落力演出,劇情緊湊驚險,成為咗TVB今年嘅高收視劇集之一。劇中嘅陳煒、胡定欣均獲得視后嘅提名,然而該劇男主角馬浚偉就連視帝同我最喜愛男角色都冇提名,實在令人意外。

而馬浚偉就喺社交網上留言話:“收到好多朋友嘅短訊,我真系冇唔開心啦,朋友們請放心。《宮心計2深宮計》系我好中意嘅劇集,三郎李隆基系我好鐘意嘅角色,劇集有咁高收視高點播率又好口碑、足夠,我感恩喇。”

對此,唔少網民都紛紛猜測,而家馬浚偉離巢幫香港開電視主持制作新節目《同理·繼續走》而畀TVB封殺。然而馬浚偉就回應話:“我想唔系畀封殺,《同理·繼續走》系一個我好想做嘅節目,幫助弱勢社群,難得有電視臺出錢做。我同TVB冇合同,佢哋有佢哋嘅考慮,我明白,唔緊要,我覺得觀眾中意《深宮計》就足夠嘅啦。”

其實1971年生嘅馬浚偉入行都25年嘅時間,諗番起當初,佢喺加入TVB之初都系飾演茄喱啡等角色。經過一番拼搏,終于喺《壹號皇庭4》中嶄露頭角,隨后憑住佢細膩嘅演技讓佢登上咗TVB一線小生嘅位置。

雖然馬浚偉喺2012年就宣布同TVB提早解約,結束咗19年嘅賓主關系,但系近年嚟都有以自由身嘅形式返TVB拍劇,佢表示:“TVB系我娘家我母校,呢份栽培之情永遠喺,支持《宮心計2深宮計》,都希望大家支持《同理·繼續走》,我選擇制作呢個節目,我冇悔。”

Like MisshkNews Facebook!不出门也能知天下事~

發佈留言

發佈留言必須填寫的電子郵件地址不會公開。 必填欄位標示為 *