私下密會!細龍太同細龍生戲假情真?

近期憑《愛回家之開心速遞》攪笑騎呢夫妻形象上位嘅“細龍生”鄭世豪與“細龍太”陳偉琪(Vicky),成日要為劇集密密開工,結婚五年幾嘅鄭世豪見對方多過見老婆,感情真系一日千里!

熱情嘅陳偉琪又喺社交平臺以「老公」稱呼鄭世豪。

仲上載相擁照放閃,以為呢對銀幕夫妻只系太過投入角色,但原來連私下都有密會!

這對疑似戲假情真的“細龍生”與“細龍太”,日前被發現到尖沙咀私會食飯,當日鄭世豪先抵達餐廳等候,未幾便見穿上背心長裙的陳偉琪靚靚到場,坐下後開始密密聊天,鄭世豪還聊到手舞足動,陳偉琪則邊聽邊甜笑!

聊至尾聲,兩人互相拍照,你拍我、我拍你,看似相當甜蜜!食飽飽後,他倆一起去停車場取車,期間被不少途人認出,向“細龍生”及“細龍太”打招呼,有清潔姐姐更猶如見到朋友一樣,走到兩人身邊談天,足證形象相當入屋。抵達停車場後,陳偉琪做“柴可夫”載鄭世豪一起離開,明顯有下文。

事後,港媒致電兩人求證,問到是否拍劇撻著?他倆齊聲否認,已婚的鄭世豪笑說:“我同她沒可能啦!我好愛我老婆的!那日是因為我們要一齊做嘢,所以約吃飯聊下細節。”

陳偉琪亦笑說:”我同佢太太見過喇!我哋第一次拍吻戲果日,佢太太嚟咗,佢哋好恩愛。”

鄭世豪雖心有所屬,但對陳偉琪這位“太太”依然有贊無彈:“她好開朗、好Nice,拍戲又好用心,我的朋友現在見到我,猛問我幾時可以見到‘細龍太’。我同她都喜歡打籃球,約了兩年最近終於約到,我班朋友不知幾開心。”

陳偉琪則指鄭世豪似“大哥哥”愛照顧別人,亦很識凼老人家:“記得有一次,我媽咪來接我收工,他第一句叫我媽咪做外母,媽咪都覺得他個人幾搞笑。”兩人還因搞笑夫妻形象入曬屋,開始以“情侶檔”接工作賺真銀。

藝人陳偉琪算系選美熟客,2011年參選溫哥華華裔小姐獲得亞軍,兩年後出戰香港小姐。

佢又自爆讀書時期系肥妹仔,體重一度高達170磅,最終以半年時間減至112磅先參選港姐,好彩瘦身唔瘦胸,加入無線後憑36E上圍獲封“TVB咪神”,經常畀委派演出惹火角色。

例如喺劇集《誇世代》中,陳偉琪身穿低胸衫嘅佢,以香檳濕身色-誘陳豪,認真搞笑。

直至加入處境劇《愛回家之開心速遞》,陳偉琪飾演牛精富家女“細龍太”,由于劇集大受歡迎,帶挈佢成功入屋,令更多家庭觀眾認識“陳偉琪”。

發表回覆

你的電郵地址並不會被公開。 必要欄位標記為 *