穩做「星夢一姐」，連續兩年奪得最受歡迎女歌星獎

《2019年度勁歌金曲頒獎典禮》尋日完滿結束，呢幾年獲力捧嘅菊梓喬（Hana）喺頒獎禮連掃6個獎，并成功連莊奪下「最受歡迎女歌星」大獎，成為大贏家之外，成績更遠遠拋離畀傳不和嘅同門師姐吳若希。

菊梓喬喺后臺受訪表示，對今年再得到理想成績好開心，多謝公司同音樂班底同佢再創奇跡。

菊梓喬仲話：以前自己攞《最佳演繹女歌星》已經係最大嘅獎項，從未諗過攞到咁多獎。舊年攞獎好意外，當時唔知畀咗乜反應，於是搏命做好自己，寫歌做歌，今年再攞獎就有壓力啦。

記者問到菊梓喬畀到係咪驚被指搶走師姐吳若希嘅獎？菊梓喬就話：唔驚，唔重要，都冇所謂。（連續兩年奪得最受歡迎女歌星獎係咪穩座星夢一姐地位？）唔係，係大家鐘意咁叫，成日笑我。