系個女!視帝之妻「落貨」在即:開派對公布寶寶性別

視帝太太單文柔距離預產期越嚟越近喇,即將「落貨」嘅佢心情亦越嚟越緊張又興奮,呢排,佢舉辦咗BabyShower,以夢幻為主題,場地滿布星星、氣球,仲有一個大月亮,好有心思!一班港姐好姊妹,包括黃心穎、張寶兒、劉穎鏇、李美慧等都有齊齊現身出席!

另外,單文柔仲特登準備咗唔同動物造型嘅紙杯蛋糕,其中豬仔紙杯蛋糕造型就相當可愛兼受歡迎。原來系有寓意,因為即將出世嘅BB乳名叫做「小豬比」,認真溫馨!

單文柔雖然大住個肚,但仍然悉心打扮著上高貴Deep V晚裝亮相,由佢微微騷出嘅「事業線」可見,懷孕期間明顯升Cup!而身旁嘅老公陳展鵬,反而相對打扮簡約,以一身便服示人,好親切。

對于BB性別,單文柔同老公陳展鵬都一直保密,現場佢仲讓大家估BB系仔定系女?最后,現場發現咗一個氣球上寫住「It’s a girl」,即系小豬女?!

之後,黃心穎摸著單文柔的巨肚搞怪合照,並上載到社交網發文謂:「BB踢我呀!congratulations靚媽and展鵬!陀得這麼漂亮這麼索,就快點生多幾個啦!see you soon baby Q!」不少fans都表示十分期待「小豬比」的來臨!

現年29歲單文柔,曾經系2016年嘅港姐競選佳麗,當年三甲不入嘅佢,落選后仍然獲得無線賞識,安排佢入讀為期三個月嘅演藝進修班,之后正式簽約TVB旗下成為藝員入行,出道后嘅單文柔以主持兒童節目為主。

雖然入行時間唔長,但單文柔卻收獲咗一份真摯嘅愛情。2017年3月,單文柔與陳展鵬畀媒體踢爆喺餐廳二人晚餐,開始引起外界揣測二人嘅關系,不過二人一直強調知識討論公事,并多次否認戀情。之后,又畀媒體影到陳展鵬搭載單文柔返回寓所。

2018年9月,單文柔同陳展鵬突然間宣布婚訊,并喺10月舉行簡單隆重嘅婚禮。結婚之后唔夠1個月,夫婦再宣布懷孕喜訊,并大方承認雙喜臨門奉子成婚!唔理一路行落來有幾艱辛幾多閑言碎語,只要最后嗰個系你就好啦。喺度,祝福單文柔陳展鵬一直幸福,期待BB健康順利出世!!

發表回覆

你的電郵地址並不會被公開。 必要欄位標記為 *