群姐追星成功,歐陽震華登陸《愛回家》玩穿越

《愛回家之開心速遞》唔少角色都備受關注,「追星少女」群姐(許思敏飾)都系出咗名鐘意“歐陽波比”(歐陽震華),不過許思敏一直都只系同歐陽震華嘅人形廣告牌對戲。

千呼萬喚始出來,歐陽震華終于正式“登陸”《愛回家之開心速遞》。

歐陽震華喺社交平臺曬出一張同《愛回家之開心速遞》劇組嘅合照,相中歐陽震華以《金裝四大才子》“祝枝山”角色嘅造型現身。

更留言大賣關子:「點解『祝枝山』會出現喺《愛回家之開心速遞》?謎底即將解開!」

原來歐陽震華會嚟客串兩集,因為佢一直都有留意劇中嘅“群姐”有喺到追星,所以主動提出想玩一下,先達成咗今次客串,至於古裝扮相,歐陽震華透露會有少少講穿越。

其實較早時二個人就有合作過,不過系為商場拍攝母親節特輯,當時就有網友希望佢哋可以喺《愛回家之開心速遞》團圓。

一直都系無線收視福將嘅歐陽震華,出現喺《愛回家之開心速遞》收視肯定再創高峰,群姐同歐陽震華終于世紀合體!恭喜群姐追星成功!

發表回覆

你的電郵地址並不會被公開。 必要欄位標記為 *