老公偷食,「TVB花旦」為報復畀老公戴綠帽

「TVB花旦」陳自瑤同黃智賢喺《黃金有罪》飾演一對夫妻,小秘書陳自瑤嫁入豪門,老公經常出去偷食,為報復畀老公戴綠帽,同洪永城發生關係,最後兩公婆更搞到要離婚。

呢集,講到有太太嘅黃智賢追求夜總會小姐莉莉,太太陳自瑤知道之後,為咗報復而「以其人之道,還治其人之身」,同洪永城發生關係,二人喺酒精麻醉下,先跳舞再上床。

事後陳自瑤畀洪永城錢封口,不過,陳自瑤就向老公自爆同洪永城上床,令到「戴綠帽」嘅黃智賢嬲爆,陳自瑤忍唔到呢種婚姻關係而要離婚,但已經輸咗身家嘅黃智賢唔想再失去老婆而拒絕。

發表回覆

你的電郵地址並不會被公開。