與TVB小生三年情斷!影壇新晉小花入圍金像獎角逐影后

日前,影壇新晉小花余香凝就分別就憑借電影《非同凡響》角逐影后,以及《逆流大叔》角逐“最佳女配角”,雖然余香凝出道時間唔長,但系演技就一直都備受認可。

2016年開始參演電影嘅佢,憑借出道作品《骨妹》中嘅“張靈靈”一角而開始為人所熟知,兼夾憑借其出色嘅表現,入圍咗第36屆香港電影金像獎最佳新演員嘅提名,雖然未能取得有關獎項,但對于新人嚟講,無疑系一個有力嘅肯定。

期間,佢都曾經參與拍攝過其他唔少嘅作品,譬如《以青春的名義》、《三個綁匪七條心》、《總有出頭天》、《我的家庭醫生》、《監警有道》、《那些年·那些歌2》、《翠絲》、《你咪理,我愛你》、《感動她77次》等。

曾經與藝人陳家樂拍拖三年幾嘅佢,一直都系甜蜜示人,而男方更大方表示認定對方為結婚對象。不過可惜嘅系,兩人最終都未能修成正果,喺舊年年中嘅時候,宣布正式分手。恢復單身后嘅余香凝全身心投入到工作當中,畀大家帶嚟唔少嘅精彩作品。

今次余香凝喺金像獎中連中兩元,趁住春節好意頭,連隨開香檳慶祝,喺接受訪問嘅時候,佢就笑說:”好緊張,真系難以置信,我當贏咗,獎項我唔會有心去爭,有咁多位前輩,太多好演員,要多謝古天樂先生,拍咗香港人一定睇嘅電影,好慶幸可以做里面嘅女演員。”

唔知系咪因為有得獎而心情尚未平復,余香凝仲連隨開心立flag話:“喺呢度好想講一句感受,我余香凝會演到老,出盡一生人嘅力去做。”

而藝人周家怡都憑借電影《無雙》有份角逐“最佳女配角”獎,佢都難掩興奮表示話:“我好開心呀!好多謝大家對我恭賀同祝福,自己入咗圍已經好開心,對手好強勁,我當自己入圍已經贏咗,大家都好愛惜我,仲有我好多謝導演莊文強,好多謝成個團隊。”

唔理點,都系希望余香凝可以繼續加油,喺新一年里面,再接再厲,繼續畀我哋帶嚟多啲更好嘅作品,期待!

Like MisshkNews Facebook!不出门也能知天下事~

發佈回覆

你的電郵地址並不會被公開。