落選港姐拍完X片之后,系節目上爆TVB最強渣男!最大嫌疑人話系佢……?

失驚無神,又好人當渣男辦!坤哥吳業坤口中「躺著也中槍」咪就系呢啲蘿!合拍過無線劇《迷》同《愛?回家》,落選港姐陳潔玲呢排為宣傳離巢后首部電影兼三級片《私人會所》,喺商臺節目《公子會》中大爆曾經被無線渣男扮慘情小白兔苦追,話到明「幾靚仔」,不過就因為一句「個底好花」,個個都先入為主入緋聞無數嘅坤哥。坤哥梗例牌否認啦,邊有人會認自己系渣男先?

落選港姐揭電視城渣男坤哥最大嫌疑

參選過2012年港姐、仲有「翻版陳研希」之稱,現年29歲陳潔玲一度系當年冠軍大熱,可惜最后三甲不入、落選后發展亦遠遠不如同屆佳麗朱千雪、湯洛雯同黃心穎等,捱足四年半做嚇閑角,今年中將心一橫約滿無線后離巢,重話到明「冇底線」,電影處女作就喺三級片《私人會所》內床戲戰連場。

呢排為咗電影宣傳頻頻接受訪問,不過床戲再激都唔夠陳潔玲接受森美等主持嘅電臺節目《公子會》訪問咁爆,佢自爆喺電視城渣男之奇遇,依家人人競猜「邊個系渣男」。

有關電視城渣男,陳潔玲咁形容:「追完一個又一個,對個個都用同一招,話自己好專一、追求愛情,會主動講自己慘情童年、屋企經歷,話到自己系受傷小白兔,唔敢再愛,見到你至勇敢追求真愛喎……」而同佢做過嘅吳業坤、張振朗、何廣沛成最大嫌疑,但佢一致否認佢系陳潔玲所講嘅「渣男」。

吳業坤:躺著都中咗槍!

陳潔玲訪問一出,坤哥回應:「好有躺著都中咗槍感覺!好彩佢話個渣男『幾靚仔』,我超級靚仔,即系唔系講我啦。其實事后我都有WhatsApp陳潔玲,問清楚佢系不是講我、希望有咩誤會大家講出嚟,佢都話唔系講我。老實講,話我慘都冇人信啦,我覺得自己系好彩嘅,又有歌又有劇,同埋我講咗好多次,希望拍拖系兩個人自己走埋一齊,不是靠單方面追求。」

張振朗:唔搞呢啲是非!

張振朗:「凈系話嫌疑人幾靚仔呢下,已經好肯定唔系講緊坤哥喇掛?唔好推個波埋我度,我成班《愛?回家》演員系好朋友,會一齊玩,我嚟演戲,唔搞呢啲是非,都系等陳潔玲自己回應番。我同佢完全冇可能!(因為名草有主?)梗系啦!」

何廣沛:呢招可以參考

何廣沛:「唔關我事!聽到呢單野得啖笑。我同陳潔玲都系26期訓練班畢業、又一齊拍過《激優一族》,不過都系一個禮拜錄一次影,唔算好熟,早排拍野都喺南生圍撞過佢,又冇向佢求證過呢樣野。其實呢個渣男,我都想知系邊個,呢招扮可憐構女我都系第一次聽,算唔算系高手中嘅高手呢?我就未用過喇,不過可以參考嚇喎!」

緋聞多 坤哥成最大嫌疑

陳潔玲話到明嫌疑人「幾靚仔」已經等於幫坤哥避嫌,不過一句「個底好花」,網民留言十個有九個半都話渣男一定系佢。

其實又唔怪得班網民敏感,入行七年,坤哥由參加《超級巨星2》參賽對手林欣彤開始,緋聞對象橫跨歌影視以及網紅四界從未間斷,最高紀錄包吳若希、龔嘉欣、SuperGirls人員Aka同Heidi、譚泣泣、周秀娜、王卓泣甚至許廷鏗易服助手「阿小」都做過其「背后女人」,個底花到咁、唔怪得坤哥都話要檢討嚇。

Like MisshkNews Facebook!不出门也能知天下事~

發佈回覆

你的電郵地址並不會被公開。