呢排，謝安琪（Kay）為網臺做嘉賓，重提當年突然退隱原因。2016年再創事業高峰期嘅佢選擇暫別樂壇，除咗係因為想BB之外，原來仲有另一個從未公開講過嘅原因，就係因為聲帶出現問題，突然唱唔到歌。
謝安琪話：「嗰幾年真係對自己冇信心，我直頭係聲帶有事，我個音域中間冇聲，係一個好奇怪嘅現象，當時我嘅情況係唱歌突然間唱唔到！」
喺同年9月份謝安琪宣佈再度陀B，生落囡囡之後專心相夫教子，但休息唔夠三年就復出，當初佢預算休息一段漫長時間，但喺2019年決定再開演唱會！
事隔3年再開踏入紅館，謝安琪多次直言“好驚”：「我對上一次演唱會完咗直接休息，我咁多年之後我第一次企返臺上，我真係驚到不得了！」好彩有老公陪住我，佢個心先定一定！
Like MisshkNews Facebook！不出门也能知天下事～
