謝霆鋒妹妹曬囡囡近照,謝賢:未有機會見孫女

對于謝賢一家,外界一直都高度關注,特別係謝賢嘅一對仔女,謝霆鋒與謝婷婷,近年二個人嘅感情生活都成為關注焦點,喺好多人眼里都認為,呢個明星大家族總有令人意想不到嘅事情發生。

本年六月頭,謝賢細女謝婷婷突然間報喜,自爆已經秘密誕下愛女,佢喺社交平台宣佈已經升呢做媽咪,當時囡囡出世啱啱滿百日,由於謝婷婷一直都好低調處理感情生活,未婚誕女嘅消息傳出之後,令唔少人驚訝!

睇到B女每一日嘅變化,身為媽咪嘅謝婷婷內心梗系感慨萬千,佢更發文指:「you are my brightest light!」

不過,對于B女嘅老竇,謝婷婷絕口不提,有傳媒指B女嘅生父係謝婷婷讀書嗰陣識嘅溫哥華富家子弟,有消息指曾經有網民親眼目睹二人出入當地豪華高級私人會所,但未經本人證實。

據悉,為咗避開傳媒嘅追訪以及專心湊女,謝婷婷目前喺加拿大定居,佢今日又現身社交平台更新囡囡嘅近況,轉下眼囡囡已經四個月大啦!

謝婷婷曬出咗一條短片,片中可見囡囡著上波鞋,不過佢一如既往專登保護囡囡,未有公開佢噶樣,有網民笑指見到B女一對腳仔肥嘟嘟,大髀同腳瓜仔都相當好肉地,估計係一個健康嘅「米芝蓮」BB。

另外,較早時有傳媒曾經采訪過謝婷婷老竇謝賢,對于謝婷婷誕下BB自己升呢做公公,謝賢直言好開心,但佢就表示仲未有機會見到孫女。

而狄波拉就表示自己已經見過同抱過孫女,更加透露B女與謝婷婷好似樣。

Like MisshkNews Facebook!不出门也能知天下事~

發佈回覆

你的電郵地址並不會被公開。