賴弘國打針博宣傳,離開阿嬌唯有「擺埋阿媽上枱」

有「醫界王陽明」之稱嘅賴弘國,佢同阿嬌離婚之後活躍喺社交平臺,尋日賴弘國喺社交平臺為美容中心宣傳,見到佢就親身示范,畀人喺佢塊面上打針做微調。

得31歲嘅賴弘國,為咗做生招牌,不惜攞自己做試驗品,幫自己打針做微調,佢仲留言話∶「互打免費」。除此之外,早前母親節賴弘國仲擺埋阿媽上枱,親手幫媽咪打玻尿酸針及注射肉毒桿菌,話要「打造年輕與自信」。

網民見到呢啲相之後,好似當睇笑話,仲有網民留言話∶「場面基味濃」。

今年39歲嘅鐘欣潼(阿嬌)同前夫臺灣整容醫生賴弘國,日前就畀爆出喺今年3月簽分居協議書之後,佢哋已經開始恢復自己嘅生活。

日前,阿嬌更出關慶祝好友容祖兒40歲生日,狀態氣質睇落都唔錯,但比之前睇落就瘦咗一圈。

身為整容醫生嘅賴弘國,離婚之後就一直喺臺灣忙事業,呢排更經常喺社交平臺曬相,尤其係宣傳佢有份投資嘅醫學美容中心。

唔知道賴弘國係咪簽咗周揚青嘅經理人公司,佢已經將自己當成藝人,要爭取曝光率,上個月更加係頻頻曬出同汪小菲嘅合照,仲畀網民笑佢喺到扮上流。

不過,有「阿嬌前夫」光環嘅賴弘國已經成為半個娛樂圈嘅人,趁住阿嬌嘅熱度仲未過,及時做生招牌賺錢都好嘅,離開咗阿嬌呢個有米嘅老婆,之後嘅生活唯有「自己食自己」。

Like MisshkNews Facebook!不出门也能知天下事~

發佈回覆

你的電郵地址並不會被公開。