遲嚟嘅生日餐，「十優港姐」為朱千雪補祝32歲生日

「民選港姐」朱千雪舊年結婚之後逐漸淡出幕前，但得閑都會同圈中好友見面，上個月28號係朱千雪嘅32歲生日，佢喺社交平臺曬出「十優港姐」麥明詩為佢補祝生日嘅相。

朱千雪仲留言話∶「要揾到另一個經歷過香港小姐、演藝工作，法律學院同第二職業嘅人唔易。（除咗佢更聰明，而且一切都做到更加好）多謝麥明詩遲嚟嘅生日晚餐！」

朱千雪、麥明詩分別就係2012年港姐季軍同2015年港姐冠軍，佢哋入行之後拍過唔少TVB劇集。

朱千雪當選後冇幾耐已獲安排演出劇集《On Call 36小時II》，2016年更喺《EU超時任務》擔正女主角，朱千雪更憑借呢部劇搭檔王浩信獲得「最受歡迎劇集搭檔」。

朱千雪除咗拍劇之外，佢仲未放低學業，佢喺香港中文大學修讀企業傳播社會科學系并獲得碩士學位之後，再喺香港城市大學修讀法律博士學位。

而「十優港姐」麥明詩喺英國劍橋大學法律系畢業，舊年毅然決定同TVB改簽一年一show嘅「綠葉約」淡出幕前，轉行做法律商業顧問，學以致用。

雖然朱千雪認為麥明詩比佢做到更加好，麥明詩就贊朱千雪比自己靚，但唔少網民都留言講佢哋都係又靚又好，祝福佢哋轉行之後可以有所成就。