鄧兆尊女友團令人羨慕,G奶新歡「買大送細」好開心

不嬲女人緣超旺嘅鄧兆尊,原來已經同拍拖三年嘅三奶Claire和平分手,紅顏突然三缺一,鄧兆尊并冇失落,因為火速有G奶新歡上位,繼續過四人同行一家親生活。

據悉,呢位新歡姓陳,鄧兆尊同三奶Claire和平分手之後,呢位新歡先至真正浦頭。日前,新歡獨霸鄧兆尊,兩個人情侶裝拍拖出巡,身穿藍黑色紗裙嘅G奶新歡,上圍驕人完全符合鄧兆尊口味。

鄧兆尊兩個人行街嗰陣打情罵俏,新女友更離奇地帶一位年約十幾歲女仔同行,疑似係新歡女兒,難道係「買大送細」?

不過鄧兆尊非常受落,更加慈父上身對女仔呵護備至,除咗幫手攞嘢,仲排隊幫手買飲品服侍周到,對一大一細好體貼。

睇到鄧兆尊同G奶新歡拍拖甜到漏,確實緣一觸即發,而且全程笑唔停,見佢突然攤開手板伸畀女友睇,已經令身旁女友露出滿足笑容,嘴角含春嘅新三奶明顯對鄧兆尊極之迷戀。

御妻有道嘅鄧兆尊,佢曾經透露對三個女友時間分配好重要,佢會一視同仁,而且會公平分配時間,每個禮拜分別陪每位女友兩晚,第七日先係私人時間。

Like MisshkNews Facebook!不出门也能知天下事~

發表回覆

你的電郵地址並不會被公開。