鄭秀文許志安已分居,公司會畀佢休息避免抑鬱症發作

一個人,遭到咗深愛嘅人背叛,心有幾咁難受,可想而知。尤其系鄭秀文同許志安呢一對,分合多年,相戀、相愛30多年,最終卻落得咗「許志安出軌」呢個下場。

呢兩日單嘢熱度持續發酵,繼許志安公開道歉、黃心穎向TVB表示后悔、馬國明正常做嘢之外,唯獨鄭秀文一直冇消息。

今日下午,有媒體透露咗鄭秀文現時嘅狀態。

1、已經同許志安分居。

據知情人士透露,自從許志安出軌一事鬧到滿城風雨之后,佢情緒一度陷入咗崩潰狀態,有爆喊過,都唔知點去面對許志安,所以已經搬出咗兩個人一直住嘅淺水灣寓所。

而家同屋企人一齊住,但狀態就一直唔系幾好,聽講佢開始封閉自己,唔想再見任何人,而且不眠不休。

最令人擔心嘅,系抑鬱症嘅問題。

作為樂壇天后之一嘅鄭秀文,喺2014年前拍完《長恨歌》呢部戲之后,就患上咗抑鬱症,一度有恐懼感、憂傷感不斷侵蝕佢。

導致鄭秀文7日唔沖涼、1個月內唔敢照鏡,好彩最后康復咗,戰勝抑鬱病魔,而家雖然已經好咗好耐,但有過抑鬱症嘅人,仲系好易發作。

2、所以為咗避免可能會抑鬱症復發。

鄭秀文嘅唱片片公司,雖然都知道佢而家應該繼續為七月份嘅演唱會做籌備工作,但系都叫停咗佢目前所有嘅工作,就系希望可以有充分嘅休息時間,同當年一樣,可以順利行出抑鬱同傷痛嘅陰霾。

一路鐘意運動嘅鄭秀文,較早時仲膝頭哥發炎,一度要用拐杖輔助行路。

不過而家身體嘅問題已經解決咗,日前仲畀記者影到,佢一個人揸車到中環嗰邊做野,不過睇起嚟就好憔悴,想必喺單嘢曝出之前,早早知道咗呢件事,如果唔系,都唔會系噉嘅狀態。

就系唔知道,七月份嘅鄭秀文演唱會,系咪會如期開展呢?希望佢好好休息,唔好諗咁多,取消咗粉絲都唔會有咩意見。

發表回覆

你的電郵地址並不會被公開。 必要欄位標記為 *