鄭秀文開演唱會,許志安相伴左右,粉絲噓聲一片

安心偷食》單嘢發生咗有三個月,男女主角許志安、黃心穎嘅命運各走極端,許志安勇于承認自己錯誤,痛定思痛留喺香港潛水懺悔,獲老婆鄭秀文大愛原諒重新接納,三個月之後又一條好漢。

日前許志安約兄弟梁漢文出街跑步,心情相當好嘅安仔,笑談與鄭秀文已經和好如初。

雖然喺記者招待會上,許志安表示無限期退出娛樂圈,但得到鄭秀文原諒,已經知道自己即將復出,所以唔敢偷雞,努力鍛煉身體。

雖未至於獲所有人原諒,但起碼有鄭秀文力撐,兩個人共同攜手跨過難關,感情更勝以前。

許志安一生中最大嘅成就,應該就係娶咗鄭秀文,離合多次終于修成正果。

許志安痛失今年9月開個人演唱會嘅機會,但坦然接受懲罰,選擇以行動嚟彌補過失,之後安仔一直深居簡出。

過去三個月,許志安為咗搵返畀「姣心穎」勾走嘅靈魂,好少步出家門。

而鄭秀文忙住為7月個人演唱會做準備,每日練歌、排舞、健身同開會,精神同體力上都消耗好大,許志安就成為佢精神上嘅補充劑。

知情者透露:三個月嚟,許志安大部分時間都喺屋企守行為,鄭秀文每日出去排舞同健身,許志安都會叫工人準備好膳食,同分擔壓力,等鄭秀文可以好好休息。

較早前鄭秀文喺社交平台曬咗一鄭有許志安倒影相,就想試外界反應,睇大家會唔會好反感。

明眼人都知道鄭秀文好緊鄭許志安,佢希望大家都可以重新接受許志安。

Like MisshkNews Facebook!不出门也能知天下事~

發佈回覆

你的電郵地址並不會被公開。