阿妹出嫁!前港姐吩咐妹夫:一定要寵愛老婆

前1992年港姐冠軍盧淑儀,今日現身社交平台曬出妹妹嘅婚禮相,一向同屋企人感情深厚嘅盧淑儀,與妹妹更加系姊妹情深,相中見到兩姊妹深情擁抱合照,又齊齊擺出嘟嘴表情,睇到兩個人真係好開心。

其中一張相,更加系由盧淑儀親自操刀拍下妹妹同妹夫親吻嘅甜蜜靚相,佢又忍唔住寫下對妹妹嘅祝福:「祝你哋永遠幸福!一個好難忘嘅婚禮。」

想當年,盧淑儀同李克勤結婚嘅時候,正正系由細妹為佢擔任伴娘,而家終于見到妹妹都要出嫁,盧淑儀少不免百感交集,佢吩咐妹夫要好好痛錫妹妹,要將妹妹視女王噉看待。

1973年出世嘅盧淑儀,佢係著名歌手李克勤嘅太太,同時佢都1992年香港小姐競選嘅總冠軍得主,當年盧淑儀參賽時,勇奪冠軍、最上鏡小姐以及20周年金輝大獎等多項殊榮,人氣好高。

之後,佢又以香港代表嘅身份,再戰國際華裔小姐競選,并再次成功殺入前三甲獲得亞軍獎項。

選美結束之後,盧淑儀順利加入TVB旗下成為力捧新星,佢先後喺多個無線節目中亮相,比如《新舊歡如夢》、《叻人新世紀》、《92寰宇奇觀大挑戰》等,冇幾耐之後,佢就遇上咗李克勤,二人快手發展成為拖友關系。

由於當年娛樂圈藝人拍拖一般都唔可以公開,而李克勤嘅歌唱事業當時正值搏殺期,為咗全力支持同唔影響李克勤嘅演藝事業,盧淑儀選擇放棄自己嘅事業成就對方,佢選擇退出娛樂圈,全心全意做李克勤背後嘅女人。

後來,盧淑儀鐘意咗哥爾夫球運動,并順利成為咗一個哥爾夫球女教練。

2006年,李克勤喺十大勁歌金曲頒獎典禮上宣布咗二人嘅婚訊,同年11月喺香港設宴,高調迎娶盧淑儀入門,從此之後盧淑儀正式升呢成為李太。

據聞當年佢哋嘅婚禮上,眾星云集,劉德華擔任伴郎,譚詠麟、陳百祥等人擔任主持,梁榮忠、劉偉恒、錢國偉等擔任兄弟團,鐘麗淇、蔡少芬等擔任姊妹團,陣仗好大。 結婚之後次年,盧淑儀為老公李克勤誕下大仔Ryan,正式升呢為三口之家,2009年李克勤又宣布老婆佗B喜訊,次年3月細仔Rex出世,從此盧淑儀專心照顧家庭,并一如既往默默支持老公嘅事業。

Like MisshkNews Facebook!不出门也能知天下事~

發佈留言

發佈留言必須填寫的電子郵件地址不會公開。 必填欄位標示為 *