預產期將至,前港姐挺巨肚拍寫真:做媽咪真係好偉大

日前,懷孕八個月嘅前港姐黃穎君就同老公一齊去海灘拍咗唔少大肚寫真,見到黃穎君雖然挺住巨肚,但係四肢依舊纖細,面色紅潤顯得更加精神滿滿。

黃穎君話:“而家放緊產假,好悶,所以天氣熱諗住去浸下水,又想拍啲特別嘅相,自己就同老公帶部相機去拍。”

對于首次做媽咪嘅黃穎君嚟講,越係臨近預產期心情除咗興奮,仲有緊張。成為準媽咪嘅佢,唔單止要適應懷孕初期嘅身體反應,佢直言懷孕比想象中攰,更表示希望可以喂人奶,所以而家會繼續戒口,希望畀BB最好最健康嘅生活。

佢話:“生完我會繼續戒咖啡、酒,所以我覺得媽咪真係好偉大,我已經去到忍無可忍嘅階段。”

1988年出世嘅黃穎君,曾經喺警察訓練學校受訓14周,因為繼續學業而退出警隊,後來佢喺香港大學教育系同香港中文大學社會係畢業。

同大多數藝人一樣,黃穎君喺2012年嘅時候,曾經參加過《香港小姐競選》,喺報名期間,由于與歌手謝安琪外貌相似而備受關注,雖然最後落選港姐,但係備受賞識嘅佢,喺選美結束之後就進入到TVB,開始發展其演藝事業。

比如《情逆三世緣》、《愛·回家》、《忠奸人》、《愛情食物鏈》、《超時空男臣》、《降魔的》、《福爾摩師奶》、《白色強人》等。

除此之外,黃穎君亦擔任多間慈善機構嘅活動大使,并熱衷參與社會服務義工活動同籌款活動。所謂心慈面善,相信BB都一定會好似媽咪善良美麗,希望黃穎君順利生產,祝福祝福!

Like MisshkNews Facebook!不出门也能知天下事~

發佈回覆

你的電郵地址並不會被公開。