香港先生唔畀TVB重視,至少要做十幾年嘅茄喱啡

無論係順境定逆境,有時視乎自己心態。TVB不嬲重視香港小姐,忽視香港先生,唔少香港先生都離開咗TVB,北上發展或者轉行做其他工作。

唯一一個喺TVB發展得最好嘅香港先生係袁偉豪,人氣高又係TVB力捧對象,曾經一度入選視帝候選嘅名單。

不過都有唔少星運遭遇不佳嘅人,例如2010年香港先生冠軍翟威廉(William)加入TVB已有9年時間,外界一直替翟威廉可惜,覺得佢外表不俗卻暫未有一個代表性嘅角色。

譬如《耀舞長安》嘅敖雪松、《戀愛季節》嘅陳積、《我們的天空》中嘅洪翼、《八卦神探》嘅查淦萊、《平安谷之詭谷傳說》嘅陸水杰,呢啲都係劇中配角,冇人會人記得起佢叫乜名。

翟威廉2005年參加《亞洲先生》奪亞軍之後進入娛樂圈,同亞視約滿轉投TVB已經有9年,驀然回首呢幾年間嘅發展,翟威廉認為唔錯。

呢排正在熱播嘅《好日子》,翟威廉演嘅Bowie周璇于齊珈(簡淑兒飾)同楊沖(余思霆飾)兩女之間,係佢拍劇以嚟,最有艷福嘅一次。

事業運不佳嘅翟威廉,喺愛情上都係默默無聞,自從同陳庭欣結束5年情之後,翟威廉冇傳出乜戀聞,佢坦言暫時只同事業拍拖。

翟威廉近年都主力發展事業,事業未定,唔敢結婚。

Like MisshkNews Facebook!不出门也能知天下事~

發佈回覆

你的電郵地址並不會被公開。